BAÝYRJAN MOMYSHULY KÓSHESİ
Kóshege Almaty qalasy atqarý komıtetiniń 31.01.1985 jylǵy №3153 sheshimimen órliktiń sımvoly, ultjandylyqtyń úlgisi, belgili jazýshy, Panfılovshylar dıvızıasy polkiniń qolbasshysy, aty ańyzǵa aınalǵan halyq qaharmany, Keńes Odaǵynyń batyry Baýyrjan Momyshulynyń esimi berilgen.
Baýyrjan Momyshuly (1910-1982) Jambyl oblysy, Jýaly aýdanynyń Kólbastaý eldi mekeninde dúnıege kelgen.
Kóshege dańqty batyrdyń aty berilgen kezdi eske alǵan Momyshulynyń kelini Zeınep Ahmetova bylaı deıdi:
«1985 jyly Almatynyń shet jaǵynan atanyń atyna kóshe beriletin boldy. Resmı rásimge Bákeń (batyrdyń uly Baqytjan Momyshuly), men, taǵy 5-6 adam keldik. Ol kezde Saın kóshesinen bastap ári qaraı túgel kolhozdyń jeri, qyzanaq, kókónis ósedi. Atanyń aty beriledi degen kósheniń uzyndyǵy 200 metr ǵana eken, kóńilim qońyltaqsyp qaldy. «Osy qalanyń ortalyǵynda qazaqqa qatysy joq bireýlerdiń aty berilgen nebir kósheler bar. Ataǵa sonyń bireýin berse bolmaı ma? Mynaý aıdala ǵoı» dedim Bákeńe. Sonda Bákeń:
«Momyshuly bireýdiń ıyǵynan shapan kıgen emes. Kór de tur, áli-aq bul kóshe úlken dańǵylǵa aınalady», - dedi.
Rasymen de, Baqytjannyń aıtqany dál keldi. Qazir Momyshuly - qaladaǵy eń úlken kósheniń biri. Teatry da, bári de bar. Myna jańa yqshamaýdanda túgel qazaqtar turady. Atanyń «men ólgen soń da halqymmen birgemin» degeni osy».
Baýyrjan Momyshuly kóshesi qalanyń Alataý, Áýezov aýdandarynyń aýmaǵynda ornalasqan. Uzyndyǵy 4500 metr kóshe Móńke bı kóshesinen bastalyp, Taıbýryl kóshesine deıingi aralyqta sozylyp jatyr.
KÓSHE BOIYMEN QATYNAITYN QOǴAMDYQ KÓLİKTER:
Troleıbýstar: 5, 6, 11.
Avtobýstar: 7, 16, 50, 52, 65, 66, 85, 101, 126, 201, 206.
BAÝYRJAN MOMYSHULY KÓSHESİNİŃ QIYLYSTARY:
Móńke bı,
Adnan Menderes,
S. Báıterekov,
T. Rysqulov,
Han shatyr,
Taldyaral,
Raıymbek dańǵyly,
Tóle bı,
Ǵ. Elemesov,
Á. Marǵulan,
A. Jubanov,
Ulyqbek,
Jeti jarǵy,
Abaı,
Amanjol,
M. Kárim,
Shalápın,
Amanjol,
Taıbýryl.
KÓSHE BOIYNDAǴY KÓRNEKİ ORYNDAR:
Almaty Arena muz aıdyny.
Alatau Creative Hub.
«Alataý» dástúrli óner teatry.
Magnum saýda ortalyǵy.
Aqsaı-3 bazary.
«Aqsaı-nan» nan zaýyty.
Mechta.kz tehnıka dúkeni.
«Arystan» ámbebap bazary.
Kitapal.kz kitap dúkeni.
Ozyurt meıramhanasy.
«Aqsaı» meshiti.
«Bereke» meıramhanasy.
EM BU SU monshasy.
№ 3 Arnaýly áleýmettik qyzmetter kórsetý ortalyǵy KMM
«Tarym» meıramhanasy.
Sputnik Mall oıyn saýyq ortalyǵy.
