«Alataý» dástúrli óner teatrynda «Qyz Jibek» fılmindegi basty róli arqyly kópshilikke tanylǵan Qazaqstannyń halyq artısi Merýert Ótekeshovanyń 75 jas mereıtoıyna arnalǵan «Qazaqtyń Qyz Jibegi» atty shyǵarmashylyq kesh ótti, - dep habarlaı alnews.
İs-shara Almaty qalasy ákimdiginiń qoldaýymen uıymdastyryldy.
«Parasat» jáne «Qurmet» ordenderiniń ıegeri atanǵan aktrısanyń mereıtoıyna oraı konserttik jáne teatrlandyrylǵan baǵdarlama ázirlendi. Keshke Merýert Ótekeshevanyń áriptesteri, ónerdegi shákirtteri men ózge de ónerpazdar qatysty. Kórermenderge aktrısanyń ómiri men shyǵarmashylyq joly týraly derekti beınerolık te kórsetildi.
Kesh «Alataý» teatry artıseriniń oryndaýyndaǵy «Mereke-dýman» horeografıalyq kompozısıasymen ashyldy. Kúlásh Baıseıitova atyndaǵy Qazaq ulttyq óner ýnıversıtetiniń stýdentteri men «JAN» ımmersıvti teatrynyń akterleri teatrlandyrylǵan qoıylym usyndy.
Muhtar Áýezov atyndaǵy Qazaq ulttyq drama teatrynyń artıseri «Qyz Jibek» mýzykalyq dramasynan úzindi oryndady. Sonymen qatar sahnada Merýert Ótekeshova somdaǵan Qaragóz beınesi qaıta jańǵyrdy.
Keshtiń mýzykalyq baǵdarlamasyna «Jızel» baletinen adajıo, «Aqqý» kúıi, «Mahabbat maıdany» áni jáne basqa da shyǵarmalar endi. Qazaqstannyń eńbek sińirgen qaıratkeri Tolqyn Zabırova Úkili Ybyraıdyń «Gákký» ánin oryndady.
Mereıtoılyq is-sharaǵa aktrısanyń shákirtteri men áriptesteri de qatysyp, onyń qazaq teatry men kıno óneriniń damýyna qosqan úlesine qurmet kórsetti.
Shyǵarmashylyq kesh «Teatr – bizdiń taǵdyrymyz» kompozısıasymen túıindeldi.
