29 shilde men 9 tamyz aralyǵynda elorda Samruk-Kazyna qoldaýymen ótetin aýqymdy halyqaralyq «Bolashaq oıyndary 2026» (GOTF 2026) týrnırin qabyldaıdy, - dep habarlaıdy alnews.
Osy aýqymdy sporttyq-sıfrlyq is-sharanyń basty tehnologıalyq seriktesi elimizdiń eń iri telekomýnıkasıalyq operatory – «Qazaqtelekom» AQ bolady. Ulttyq operator komandasy jarys ótetin barlyq alańdardy ózara baılanystyratyn jáne qatysýshylar men uıymdastyrýshylarǵa, sondaı-aq álemniń túkpir-túkpirindegi mıllıondaǵan kórermenge úzdiksiz baılanys usynatyn joǵary jyldamdyqty sıfrlyq ınfraqurylymdy qamtamasyz etpek.
12 kún boıy 50-den astam ulttyń ókilderinen quralǵan 800-den astam sportshy men kıbersportshy halyqaralyq klýbtarǵa birigip, jalpy júlde qory 4 mıllıon AQSH dollarynan asatyn syıaqyny sarapqa salady.
Qazaqstan atynan týrnırdiń barlyq segiz túrinenóner kórsetetin 11 komanda qatysady.
Qatysýshylardy, resmı delegasıalar men jarys qonaqtaryn qarsy alyp, olardyń jumysyn úılestirýge arnaıy daıyndyqtan ótken 1300-den astam erikti jumyldyrylady.
Týrnırdiń ashylý saltanaty 29 shildede «Barys Arena» muz saraıynda ótedi. Kórermenderdi tanymal qazaqstandyq ártisterdiń ónerin jasandy ıntellekt grafıkasy, jaryq proeksıalary, LED-ınstallásıalar jáne robototehnıkamen úılestiretin aýqymdy shoý kútedi.
Odan keıin negizgi jarystar «Barys Arenada», sondaı-aq Astanadaǵy «Qazaqstan» jeńil atletıka sport kesheninde, Jaqsylyq Úshkempirov atyndaǵy Jekpe-jek saraıynda jáne Beeline Arena tenıs ortalyǵynda ótedi.
Jarystardy trıbýnadan tamashalaı almaıtyn kórermender úshin Qazsport telearnasy «Qazaqtelekomnyń» tehnıkalyq múmkindikteriniń arqasynda barlyq oqıǵany tikeleı efırde úzdiksiz kórsetedi.
Fıdjıtal sporttyń ereksheligi – dástúrli sport pen beıneoıyndardy biriktirýinde. Komandalar áýeli vırtýaldy alańda synǵa túsip, keıin naqty sporttyq alańda jarysty jalǵastyrady. Jeńimpaz eki kezeńdegi nátıjelerdiń jıyntyǵy boıynsha anyqtalady. Týrnır baǵdarlamasyna elimizdiń iri brendteri men seriktesteri qoldaý kórsetetin segiz dısıplına engen:
· Phygital Football UFL Presented by Samruk-Kazyna;
· Phygital Basketball Presented by Halyk Fund;
· Phygital Fighting Presented by Kazzinc;
· Phygital Dancing Presented by Solidcore Resources;
· Phygital Shooter CS2 Presented by Yandex GO;
· Battle Royale – PUBG: BATTLEGROUNDS Presented by Alatau City Bank;
· MOBA PC Dota 2 Presented by CenterCredit;
· MOBA Mobile MLBB Presented by FREEDOM.
Týrnırge daıyndyq memlekettik organdar, halyqaralyq sport uıymdary, seriktester jáne myńdaǵan mamannyń qatysýymen júrgizilýde.
Samruk-Kazyna qoldaýymen ótetin «Bolashaq oıyndary 2026» (GOTF 2026) halyqaralyq týrnırin ótkizý halyqaralyq fıdjıtal qozǵalysynyń damýyna jańa serpin berip, Qazaqstannyń álemdik deńgeıdegi iri sporttyq is-sharalardy uıymdastyrýdaǵy joǵary áleýetin kórsetedi. Al osyndaı tehnologıalyq turǵydan kúrdeli jobany «Qazaqtelekom» AQ-nyń ınfraqurylymdyq turǵydan qoldaýy otandyq telekomýnıkasıalyq ınfraqurylymnyń sport pen joǵary tehnologıalar toǵysyndaǵy aýqymdy halyqaralyq is-sharalardy sapaly qamtamasyz etýge tolyq daıyn ekenin taǵy bir márte dáleldeıdi.
Jarystyń barlyq kúnderine arnalǵan bıletter Freedom Ticketon platformasynda jáne Freedom SuperApp mobıldi sýperqosymshasynda satylymǵa shyqty.
