Memleket basshysy "Kitap oqý mádenıetin damytý jáne zerdeli ult qalyptastyrý jónindegi sharalar týraly" Jarlyqqa qol qoıdy, – dep habarlaıdy alnews.
Adamı kapıtaldy damytý, qoǵamnyń zıatkerlik jáne mádenı áleýetin nyǵaıtý, bilim berý, tárbıeleý jáne oqý-aǵartý isiniń negizgi elementi retinde kitap oqý mádenıetin nasıhattaý, zerdeli ult qalyptastyrý, sondaı-aq shyǵarmashyl, jasampaz jáne básekege qabiletti tulǵany damytý úshin jaǵdaı jasaý maqsatynda Prezıdent mádenıet, bilim jáne ınovasıa salalaryndaǵy memlekettik saıasattyń basym baǵyttaryn aıqyndaýdy qaýly etti:
-
kitap oqý mádenıetin damytý jáne zerdeli ult qalyptastyrý;
-
oqyrmandarǵa arnalǵan zamanaýı ınfraqurylymdy damytý: sıfrlyq quraldardy keńinen qoldana otyryp, jańa formattaǵy kitaphanalar, qoǵamdyq keńistikter qurý;
-
týyndylary jas urpaqty Qazaqstan Respýblıkasy Konstıtýsıasynyń negizgi qaǵıdattary men erejelerin qurmetteý rýhynda tárbıeleýge yqpal etip júrgen otandyq jazýshylar men aqyndardy qoldaý;
-
baspagerler men kitap ónimin taratýshylardyń memleket úshin paıdaly qyzmetterin yntalandyrý;
-
ulttyq ádebı murany el ishinde jáne shetelde nasıhattaý.
Jarlyqty iske asyrý úshin Qazaqstan Úkimetine birqatar tapsyrma berildi. Olardyń qatarynda — jańa formattaǵy kitaphanalar, kópfýnksıonaldy qoǵamdyq keńistikter qurýdy, zamanaýı aqparattyq júıeler men servıster endirýdi qosa alǵanda, oqyrman ınfraqurylymyn jańǵyrtýdy qamtamasyz etý bar. Sonymen qatar, 2027 jylǵy 1 qańtarǵa deıinMınıstrler kabıneti mynalardy oryndaýy tıis:
-
"Kitaphana jáne kitap shyǵarý isi týraly" jańa zań jobasyn ázirleý;
-
kitap oqý mádenıetin damytýdaǵy jetistikteri úshin Ulttyq syılyq taǵaıyndaý;
-
biryńǵaı qoljetimdi Ulttyq sıfrlyq kitaphana platformasyn qurý.
Jarlyq qol qoıylǵan kúninen bastap qoldanysqa engiziledi.
