ASTANA. KAZINFORM — Qazaq Gourmet meıramhanasy 50 Best Discovery bedeldi halyqaralyq tizimine endi. Bul jaıynda Kazakh Tourism ulttyq kompanıasy habarlady.
Bul shara — qazaqtyń ulttyq taǵamdary men Qazaqstannyń gastronomıalyq ındýstrıasynyń álemdik arenadaǵy moıyndalýy men tanylýynyń aıǵaǵy.
50 Best Discovery — búkil álemnen The World’s 50 Best Restaurants jáne The World’s 50 Best Bars syılyǵynyń sarapshylary tańdaǵan, meıramhanalar men barlardyń tańdaýly jıyntyǵy bolyp tabylatyn bedeldi halyqaralyq platforma.
Bul tizim aspazdardyń, restoratorlardyń, synshylardyń jáne 1000-nan asa táýelsiz bedeldi mamandardyń usynystaryna negizdelgen.
Ol eksklúzıvti meıramhanalardan kóshe taǵamdaryna deıin, gastronomıa súıer qaýymǵa ártúrli mádenıetter men elderdiń biregeı dámdik áserleri men kýlınarlyq jańalyqtaryn usynyp, jańa gastronomıalyq úrdisterdi beıneleıtin jáne únemi jańartylyp otyratyn kýlınarlyq tájirıbelerdiń keń spektrin qamtıdy.
