7–9 sáýir kúnderi Aqtaý qalasynda jasóspirimder arasynda qazaq kúresinen Qazaqstan Respýblıkasynyń chempıonaty ótti. Eldiń ár óńirinen jınalǵan sportshylar túrli salmaq dárejelerinde baq synap, joǵary deńgeıdegi sheberlikterin kórsetti, - dep habarlaıdy alnews.
Jarys qorytyndysy boıynsha 18 medal jıyntyǵy sarapqa salyndy.
«Qazaq kúresi» demalys ortalyǵynyń tárbıelenýshisi Toıjan Alımjan 55 kelige deıingi salmaq dárejesinde sátti óner kórsetip, tartysty beldesýler nátıjesinde III orynǵa ıe boldy. Osylaısha, ol chempıonattyń qola júldegeri atandy.
Atalǵan nátıje jastar sportyn damytý jáne jas talanttardy qoldaý baǵytyndaǵy júıeli jumystyń tıimdiligin aıqyndaıdy.
Sportshyny jáne onyń bapkerlerin laıyqty jetistigimen quttyqtap, aldaǵy ýaqytta jańa jeńister men tolaǵaı tabystar tileımiz!
