Almatydaǵy Terenkýrda Qala kúnine jáne Almaty Marathon-nyń 15 jyldyǵyna oraı jańa mýral salyndy, - dep habarlaıdy alnews.
Týyndy ál-Farabı dańǵylynyń astyndaǵy tonnelge ornalastyryldy. Bul júgirý, jattyǵý jáne belsendi serýenge arnalǵan tanymal baǵyttardyń biri. Mýraldyń avtory - Repas graffıtı-komandasy.
Kompozısıanyń negizgi taqyryby - qozǵalys pen buqaralyq sport.
«15 jyl ishinde Almaty Marathon Almaty ómiriniń ajyramas bóligine aınaldy. Biz osy tarıhty qala keńistiginde de qaldyrǵymyz keldi. Marafonnyń energıasyn jetkizip, sporttyń túrli adamdardy qalaı biriktiretinin kórsetetin týyndy jasaýdy kózdedik. Bul mýral qozǵalys, halyq jáne osy jyldar boıy Almaty Marathon-men birge ózgerip, damyp kele jatqan qala týraly. Onyń dál qazir, Almaty Qala kúni men mereıtoılyq Almaty Marathon-ǵa daıyndalyp jatqan kezde paıda bolýynyń da ózindik máni bar», — dedi Almaty Marathon uıymdastyrýshysy — «Birinshi bolý — batyldyq» korporatıvtik qorynyń atqarýshy dırektory Saltanat Qazybaeva.
Júgirý jarysy 27 qyrkúıekte qala ákimdiginiń qoldaýymen ótedi. Oǵan álemniń 60-tan astam elinen 16 myń adam qatysady.
Jarys baǵdarlamasyna 42,2 km, 21,1 km jáne 10 km qashyqtyqtar, skandınavıalyq serýen, sondaı-aq komandalyq Ekıden estafetasy kiredi.
