20 qyrkúıekte, Qala kúni, Bostandyq aýdanynyń Qazaqfılm shaǵynaýdanynda jańartylǵan demalys kúngi jármeńke ashylady, - dep habarlaıdy alnews.
Jańǵyrtýdan keıin aýmaǵy 49 sotyq bolatyn jármeńke aýmaǵy tolyq kórkeıtiledi. Munda 112 saýda orny qarastyrylǵan: 100 oryn – ashyq pavılonda, 7 oryn – jabyq pavılonda jáne taǵy 5 oryn – fýdkort aımaǵynda.
Ashyq alańda demalys kúnderi aýyl sharýashylyǵy taýaryn óndirýshiler jumysyn jalǵastyrady. Jabyq bólikte otandyq óndirýshiler óz ónimin turaqty negizde sata alady.
Jańǵyrtý jumystary jeke ınvestısıa esebinen júrgizildi. Bul rette qoldanystaǵy saýda oryndary jármeńkeniń qazirgi qatysýshylaryna saqtalady.
Jármeńke ashylǵannan keıin komýnaldyq naryqty ákimshilendirý jáne usynylǵan baǵanyń saqtalýyn baqylaý jumystarymen «Almaty» ÁKK» AQ aınalysady.
Demalys kúngi jármeńke turǵyndarǵa ónimderdi fermerler men aýyl sharýashylyǵy taýaryn óndirýshilerden deldalsyz tikeleı satyp alýǵa múmkindik beredi. Jyl basynan beri Almatyda osyndaı 300-ge jýyq jármeńke ótti. Olarda Almaty qalasy men Almaty oblysynyń fermerlik jáne jeke sharýashylyqtary óndiretin 1 000-nan astam ónim túri usynylǵan.
Assortımentte jańa soıylǵan et, jumyrtqa, kókónis pen jemis, qyshqyl sút ónimderi, shujyq ónimderi, bal jáne basqa da taýarlar bar. Qalalyq jármeńkelerge apta saıyn shamamen 50 myń adam keledi.
