Almaty qalasynda «Qazaqstan Jazýshylar odaǵy» men «Kitap oqıtyn ult – Chıtaıýshaıa nasıa» qoǵamdyq qory arasynda yntymaqtastyq týraly memorandýmǵa qol qoıyldy, - dep habarlaıdy alnews.
Kelisim Memleket basshysynyń kitap oqý mádenıetin damytý, zerdeli ult qalyptastyrý jáne shyǵarmashyl, básekege qabiletti tulǵa tárbıeleý jónindegi bastamalaryn iske asyrýǵa jańa serpin berip, jazýshy men oqyrman arasyndaǵy baılanysty nyǵaıtýdy kózdeıdi.
Memorandýmǵa Qazaqstan Jazýshylar odaǵynyń tóraǵasy Mereke Ábdeshuly Qulkenov pen «Kitap oqıtyn ult – Chıtaıýshaıa nasıa» qoǵamdyq qorynyń tóraǵasy Baqytjan Jumaǵalıuly Turlybekov qol qoıdy.
Qujat aıasynda taraptar ulttyq ádebıetti keńinen nasıhattaý, kitap oqý mádenıetin damytý, jazýshylar men oqyrmandar arasyndaǵy baılanysty nyǵaıtý, ádebı-aǵartýshylyq is-sharalardy birlesip uıymdastyrý jáne jastardyń kitapqa qyzyǵýshylyǵyn arttyrý baǵytynda uzaq merzimdi yntymaqtastyq ornatýǵa kelisti.
Aldaǵy ýaqytta respýblıka kóleminde jazýshylarmen kezdesýler, shyǵarmashylyq keshter, sheberlik saǵattary, kitaphanalardaǵy taǵylymdy júzdesýler, mektepter men joǵary oqý oryndaryndaǵy ádebı kezdesýler, sondaı-aq ulttyq ádebıetti dáripteýge baǵyttalǵan birlesken jobalar júzege asyrylady. Bul jumystarǵa Qazaqstan Jazýshylar odaǵynyń óńirlik fılıaldary men ádebı qaýymdastyq ókilderi de belsendi qatysady.
Qazaqstan Jazýshylar odaǵynyń Tóraǵasy Mereke Qulkenov:
«Ulttyń rýhanı deńgeıi eń aldymen onyń kitapqa degen kózqarasymen ólshenedi. Kitap oqıtyn qoǵam – oılaıtyn qoǵam. Sondyqtan "Kitap oqıtyn ult" bastamasy jaı ǵana joba emes, bul – eldiń ıntellektýaldyq áleýetin arttyrýǵa baǵyttalǵan mańyzdy qoǵamdyq qozǵalys. Qazaqstan Jazýshylar odaǵy osy ıgi iske óz qalamgerleriniń shyǵarmashylyǵy men tájirıbesin jumyldyryp, jazýshy men oqyrman arasyndaǵy altyn kópirdi odan ári nyǵaıtýǵa úles qosady.»
«Kitap oqıtyn ult – Chıtaıýshaıa nasıa» qoǵamdyq qorynyń Tóraǵasy Baqytjan Turlybekov:
«Bizdiń basty maqsatymyz – kitap oqýdy kúndelikti ómirdiń ajyramas mádenıetine aınaldyrý. Bul memorandým – sonyń naqty kórinisi. Qazaqstan Jazýshylar odaǵynyń jobaǵa qosylýy arqyly biz ádebıettiń qoǵamdaǵy rólin kúsheıtip, qalamgerler men oqyrmandardyń erkin suhbat alańyn keńeıtemiz. Ár óńirde uıymdastyrylatyn kezdesýler men birlesken bastamalar jastardyń kitapqa qyzyǵýshylyǵyn arttyryp, ulttyq qundylyqtardy nasıhattaýǵa tyń múmkindik beredi.»
Memorandýmǵa sáıkes Qazaqstan Jazýshylar odaǵy respýblıkalyq jobanyń seriktesteriniń biri retinde óńirlik fılıaldaryn, qalamgerlerdi, ádebıettanýshylardy jáne mádenıet qaıratkerlerin joba jumysyna tartýǵa qoldaý kórsetedi.
Taraptar sondaı-aq respýblıkanyń barlyq óńirinde kitap oqý mádenıetin damytýǵa, qazaq ádebıetin keńinen nasıhattaýǵa, jastardyń oqýǵa qyzyǵýshylyǵyn arttyrýǵa jáne qoǵamda bilim men rýhanıat qundylyqtaryn nyǵaıtýǵa baǵyttalǵan jańa bastamalardy júıeli túrde júzege asyratyn bolady.
Bul memorandým – eki uıym arasyndaǵy kezekti kelisim ǵana emes, kitapty qoǵamnyń basty qundylyqtarynyń birine aınaldyrýǵa baǵyttalǵan uzaq merzimdi seriktestiktiń bastaýy.
