27 qazan, jeksenbide Ózbekstanda Parlament jáne aımaqtyq depýtattardy saılaý ótedi, dep habarlaıdy alnews.
"Saılaýda Zań shyǵarý palatasynyń 150 depýtaty, Senattyń 56 múshesi, Qaraqalpaqstannyń Joǵarǵy Keńesiniń 65 depýtaty, sondaı-aq oblystyq, Tashkent jáne 208 aýdandyq (qalalyq) keńesterdiń depýtattary saılanady. Osylaısha, saılaý prosesine 30 myńǵa jýyq kandıdat pen olardyń 90 myńǵa jýyq senimdi tulǵalary, sondaı-aq saılaý komısıalarynyń 120 myńnan astam múshesi uıymdastyrýshy retinde jáne 70 myńnan astam jergilikti jáne sheteldik (halyqaralyq) baqylaýshylar qatysady dep kútilýde", - dep habarlady OSK.
Aıta keteıik, Saılaý alǵash ret majorıtarly-proporsıonaldyq júıe negizinde ótedi. Parlamenttiń tómengi palatasynyń 75 depýtaty majorıtarlyq júıe boıynsha, qalǵan 75 - proporsıonaldy júıe boıynsha saılanady.
Naýryzda Ózbekstan prezıdenti Shavkat Mırzıóev depýtattarmen kezdesýde saıası partıalardyń rólin arttyrý úshin aralas saılaý júıesine kóshýdi usyndy.
