Premer-mınıstr Oljas Bektenov jańa Konstıtýsıa jobasyn talqylaý aıasynda aqparattyq-túsindirý jumystaryn uıymdastyrý boıynsha keńes ótkizdi, - dep QR Úkimetiniń resmı Telegram-kanaly habarlady.
Jıynǵa Úkimet músheleri men óńir ákimderi qatysty.
Premer-mınıstr barlyq deńgeıdegi mınıstrlikter men ákimdikterge jańa Konstıtýsıa jobasyn halyqqa jan-jaqty túsindirý jumystaryn kúsheıtýdi tapsyrdy.
Jalǵan ári burmalanǵan aqparattarmen kúresýge basa nazar aýdaryldy. Áleýmettik jeliler men messendjerlerde shyndyqqa janaspaıtyn arandatýshylyq sıpattaǵy jarıalanymdar tirkelýde. İshki ister mınıstrligine «Zań men tártip» qaǵıdatyna sáıkes, jalǵan málimetterdi taratqany úshin qatań quqyqtyq áreket jáne jaýapkershilikke tartýdy qamtamasyz etý tapsyryldy.
Úılestirý jumystary Premer-mınıstrdiń orynbasary – mádenıet jáne aqparat mınıstri Aıda Balaevaǵa júkteldi.
