Instagram jelisinde mıllıonǵa jýyq oqyrmany bar brıtandyq trevel-fotograf ári bloger Djordj Kýper Almatynyń týrısik kórikti jerlerimen tanysty, - dep habarlaıdy alnews.
Sapar Almaty Tourism Bureau uıymynyń qoldaýymen uıymdastyrylyp, qalany sheteldik aýdıtorıa arasynda nasıhattaýǵa baǵyttalǵan. Bul týraly Almaty qalasy Týrızm basqarmasynyń ókilderi habarlady.
Sapar baǵdarlamasyna Medeý, Shymbulaq, Kóktóbe jáne Voznesensk kafedraldy shirkeýi kirdi. Brıtandyq saıahatshy Almatynyń tabıǵı kórikti jerlerin, tarıhı sáýlet eskertkishterin jáne týrısik ınfraqurylymyn tamashalady.
Djordj Kýper tabıǵat kórinisterin sýretke túsirýge, saıahat, tabıǵat jáne erekshe týrısik baǵyttar týraly kontent jasaýǵa mamandanǵan. Onyń jazbalary halyqaralyq aýdıtorıanyń qyzyǵýshylyǵyn týdyryp keledi.
Sapar qorytyndysy boıynsha bloger áleýmettik jelilerde Almaty týraly fotosýretter men beınerolıkter jarıalaýdy josparlap otyr. Ol oqyrmandaryna qalanyń taý baǵyttaryn, kórikti jerlerin jáne demalys múmkindikterin tanystyrmaq.
2026 jyly Almatyǵa keletin sheteldik týrıser sany 800 myń adamnan asady dep boljanyp otyr.
