Memleket basshysy Ulytaý oblysynyń ákimi Eset Baıkendi qabyldady, - dep habarlaıdy alnews Aqordaǵa silteme jasap.
Prezıdentke Ulytaý oblysynyń áleýmettik-ekonomıkalyq damý barysy jáne aldaǵy kezeńge arnalǵan josparlar jóninde baıandaldy.
Qasym-Jomart Toqaevqa óńirdegi ınfraqurylymdy damytý, ınvestısıa tartý, ónerkásip áleýetin kóterý, ınjenerlik jelilerdi jańǵyrtý jáne turǵyndarǵa sapaly áleýmettik qyzmet kórsetý jumystary týraly málimet berildi. Sondaı-aq basym jobalardy júzege asyrý jóninde usynystar aıtyldy.
Kezdesý sońynda Memleket basshysy oblystyń ornyqty damýyn qamtamasyz etýge, óńirdiń ınvestısıalyq tartymdylyǵyn arttyrýǵa jáne azamattardyń turmys sapasyn jaqsartýǵa baǵyttalǵan birqatar tapsyrma berdi.
