Memleket basshysy Qasym-Jomart Toqaev Belgıa Premer-mınıstri Bart de Vevermen kezdesti, - dep habarlaıdy alnews.
Qazaqstan Prezıdenti Qasym-Jomart Toqaev pen Belgıa Premer-mınıstri Bart de Vever eki el yntymaqtastyǵynyń qazirgi jaı-kúıi men perspektıvasyn talqylap, saıası dıalogty nyǵaıtý, saýda-ekonomıkalyq jáne ınvestısıalyq baılanystardy damytýǵa aıryqsha nazar aýdardy.
Memleket basshysy Belgıany Qazaqstannyń Eýropalyq Odaqtaǵy basty seriktesteriniń biri retinde atady.
Qasym-Jomart Toqaevtyń aıtýynsha, ekonomıkalyq yqpaldastyqtyń qarqyny budan da zor áleýetke ıe. Belgıa Qazaqstan ekonomıkasyna qarjy quıǵan 10 jetekshi ınvestordyń qataryna kiredi. Sońǵy 20 jylda atalǵan elden kelgen tikeleı ınvestısıanyń jalpy kólemi 15 mıllıard dollardy qurady.
Ózara saýda aınalymy da turaqty túrde ósip keledi. Onyń kólemi byltyr 580 mıllıon dollardan asty.
– Qazaqstanda Belgıa kapıtalynyń úlesi bar 110-nan astam kompanıa jumys isteıdi. Bul ózara tıimdi yntymaqtastyqty nyǵaıtýǵa degen ortaq umtylysymyzdy ańǵartady. Tanymal belgıalyq kompanıalar bizdiń eldiń naryǵyna kóptep kelip jatyr, – dedi Qasym-Jomart Toqaev.
Premer-mınıstr Bart de Vever eki el arasynda saıası dıalog deńgeıi joǵary ekenin atap ótti. Ol Belgıanyń ekijaqty qarym-qatynasty odan ári tereńdetýge jáne strategıalyq seriktestik aıasyn keńeıtýge nıetti ekenin málimdedi.
