Almatyda 2026 jyldyń basynan beri áleýmettik qoldaýǵa muqtaj 8 192 turǵynǵa arnaıy áleýmettik qyzmet kórsetildi. Bul týraly qalalyq Jumyspen qamtý jáne áleýmettik baǵdarlamalar basqarmasynyń ókilderi habarlady.
Arnaıy áleýmettik qyzmet erekshe qajettiligi bar adamdarǵa, qarttarǵa, sondaı-aq ómirinde qıyndyq bolyp jatqan azamattarǵa kórsetiledi.
Stasıonarlyq jaǵdaıda 1 402 adamǵa qyzmet kórsetildi. Jartylaı stasıonarlyq formatta 1 399 azamat qajetti kómek aldy.
Úı jaǵdaıynda 4 614 adamǵa áleýmettik qyzmet kórsetildi. Onyń ishinde jalǵyz turatyn zeınetkerler men erekshe qajettiligi bar azamattar bar.
Buǵan qosa, 777 azamatqa, onyń arasynda turaqty turǵylyqty jeri joq adamdarǵa, turmystaǵy zorlyq-zombylyqtan zardap shekkenderge jáne ózge de áleýmettik qoldaýǵa muqtaj azamattarǵa ýaqytsha bolý qyzmeti usynyldy.
Qalada atalǵan sanattaǵy turǵyndardy áleýmettik qoldaý, ońaltý jáne qoǵamǵa beıimdeý jumystary júıeli túrde jalǵasyp keledi.
