Jasandy zerdeniń (jasandy ıntllekt) emtıhan synaqtaryn kádimgi adamdardan jaqsy tapsyra alatyny málim boldy. Brıtanıanyń Redıng ýnıversıteti júrgizgen synaqta ChatGPT boty stýdentterden joǵary nátıje kórsete alǵan.
Zertteý barysynda jasandy zerdeniń psıhologıa syndy pánderden berilgen saýaldarǵa kádimgi stýdenttermen birdeı jaýap bere alatyn bolsa, al shyǵarmashalyq jumystarǵa kelgende tipti de joǵary nátıje kórsete alatynyn málim bolǵan. Tipti, ChatGPT jaýaptaryn shynaıy adamdardyń jaýaptarynan ajyratý múlde múmkin emes.
Ǵylymı zertteý alyp barǵan mamandar alańdaýshylyq bildirýde. Sebebi, joǵary oqý ornynyń synaq emtıhandarynda jasandy zerde shynaıy adamdardan joǵary bal ala alady. Bul degenimiz bolashaqta adamdardyń bilim deńgeıin synaýda úlken aldamshylyqtarǵa múmkindik beredi degen boljamǵa bastaıdy. Bitirýshi stýdentter nemese talapkerler jasandy zerdeniń kómegimen qalaǵanyndaı nátıje ala alatyn bolsa, bul bilim salasyndaǵy jáne ǵylym salasynda úlken máselelerdi jaratýy múmkin.
Qazirdiń ózinde damyǵan elderde stýdentterdiń jasandy ıntellekt kómegimen synaq emtıhandaryn tapsyryp, nemese shyǵarmashylyq jumystaryn, dıplomdyq jumystaryn jazý máselesi kóp talqyǵa túsýde. Keıbir elder buǵan qatysty qatań zań talaptaryn bekitýdi qolǵa ala bastaǵan. Bul úrdis kóp uzamaı elimizdegi bilim salasynda da jańa máseleler paıda qylýy múmkin.
