1 qazan kúni keshte Iran Izraıldi balıstıkalyq zmyrandarmen soqqylady. Shabýyldan birneshe saǵat buryn AQSH Tegerannyń zymyran shabýylyna daıyndalyp jatqany týraly málimdegen edi.
Iran óziniń aımaqtaǵy múddesine tónip jatqan qaýipterge qaramastan uzaq ýaqyt únsiz jatqan bolatyn. Izraıl Lıvandaǵy "Hezbollaǵa" qarsy qurlyqtaǵy áskerı operasıasyn bastaǵannan keıin Tegerannyń shydamy taýsylǵanǵa uqsady. Seısenbiniń keshinde Irannyń balıstıkalyq zymyrandary Izraıldi betke alyp jańbyrsha jaýdy. Shabýyldyń surapyl bolǵany sonshalyq, jergilikti aqparat quraldary áýe shabýylyn eskertken dabyl úni Izraıldiń barlyq jerinen jańǵyrǵanyn aıtyp jatty.
SHABÝYL NÁTIJESİ
Pentagonnyń málimdeýinshe, Irannyń kezekti áýe shabýyly onyń sáýirdegi shabýylanan álde qaıda joıqyn bolǵan. Izraıl bolsa boljammen 180 zymyran atyldy dep málimdedi. Al AQSH prezıdenti Jo Baıden resmı málimdemesinde zymyrandar sany 200 dep kórsetildi. Shabýyl nátıjesinde Izraıldiń birqatar jerinde jarylystar boldy. Degenmen, eldiń áýe qorǵanys júıesi zymyrandardyń kóbin áýede atyp qulatqan. Keıbir zymyrandar Tel-Avıvke de túsip jarylǵany týraly áleýmettik jelilerde keskinder kóptep tarady.
IRAN MÁLİMDEMESİ
Shabýyldan keıin Irannyń revolúsıa saqshylary korpýsy resmı habar taratty. Olar bul árketti HAMAS jetekshisi Ismaıl Hanıanyń, "Hezbolla" basshysy Hasan Nasrallanyń kóz jumýyna, sondaı-aq, Gaza men Lıvandaǵy qaza bolǵan beıbit turǵyndar úshin jaýap ekenin aıtqan. Resmı málimdemede Izraıldiń mańyzdy áskerı bazalary nysanaǵa alynǵany aıtylǵan.
IIR resmıleri tolyqqandy soǵysty qalamaıtyndaryn aıtty. Bundaı áreketter eldiń ulttyq múddesin qorǵaý úshin jasalyp jatqanyn málimdegen.
AQSH POZISIASY
Vashıngton Tegerandy aýyr synnyń astyna alýda. Prezıdent Baıdan Irannyń shabýylyn birden aıyptady ári AQSH áskerı kúshterine Izraıldiń qorǵanýyna kómektesýge buıryq bergen. Áýe shabýyldarynan qorǵanýǵa aımaqqa jaqyn sýlardaǵy amerıkalyq áskerı kemelerdiń áýe qorǵanys júıeleri de atsalysty degen málimet bar.
IZRAIL POZISIASY
Izraıl qazirdiń ózinde Iranǵa qarsy jaýap berýge daıyndalyp jatyr. SAHAL-dyń resmı ókili Danıel Hagarı "Iran bul áreketiniń kesepetin tartady" degen málimdemesin jasady.
Evreı memleketiniń premer-mınıstri málimdeme jasap, "Iran úlken qatelikke urynǵanyn" aıtty. Benámın Netanáhý:"Iran búgin túnde úlken qatelik jasady. Ol úshin jaýapkershilikti óz moınyna alady. Iran rejımi bizdiń ózimizdi qorǵaýǵa jáne dushpannan kek alýǵa bel baılaýymyzdy túsinbeıdi. Bizge kim shabýyl jasasa, soǵan shabýyl jasaımyz", – degen. dedi.
AIMAQTYQ AÝQYMDY SOǴYS QATERİ
Qos tarapta buǵan deıin betpe-bet soǵysty, tolyq basyshtapbty qaqtyǵysty qalamaıtyndaryn aıtyp kelgen. Alaıda, Izraıl tez arada qarýly jaýap bererin eskertip jatqanda Iran da oǵan qarymta jaýap berip, Izraıl artyq áreketke barsa, budan da joıqyn soqqylar bolatynyn aıtqan. Bul álem elderiniń energetıkasyndaǵy áseri mol aımaqta jańa aımaqtyq soǵystyń qaýipin kúsheıtken oqıǵa boldy. Taraptar soǵysty qalamaıtyndaryn aıtsa da, erekestiń sońynan tóbeles shyqpaıtynyna kepildik joq. Onyń ústine eldegi saılaý naýqanyna baılanysty AQSH pozısıasy anyq bolmaı turǵan tusta aımaqtaǵy mundaı qaýipti úrdister tipten tez qarqynmen damýy múmkin.
The Alnews
