Almatynyń Medeý aýdanynda «Halyq qatysatyn búdjet» baǵdarlamasy aıasynda jer bederi kúrdeli ýchaskelerdegi júrginshi baǵyttary kóriktendirildi, - dep habarlaıdy alnews.
Jer bederiniń ereksheligi eskerilip, turǵyndardyń qaýipsiz ári qolaıly júrip-turýyna erekshe nazar aýdaryldy. Bıiktik deńgeıi árkelki aýmaqtardaǵy ózdiginen paıda bolǵan soqpaqtardyń ornyna kórkeıtilgen baspaldaqtar salyndy.
Jańa baspaldaqtar Sulýsaı shaǵynaýdanynda, ál-Farabı dańǵylynda jáne Roza Baǵlanova kóshesinde ornatyldy. Atap aıtqanda, Sulýsaı shaǵynaýdanynda uzyndyǵy 120 metr metal baspaldaq salyndy, ál-Farabı dańǵylynda eki jaǵynan jalpy uzyndyǵy 200 metr bolatyn baspaldaqtar ornatyldy, al Roza Baǵlanova kóshesinde shamamen 40 metr baspaldaq jasaldy.
Sonymen qatar joba aıasynda Shyǵys aınalma avtomobıl jolynyń boıyndaǵy jáne Shyǵys aınalma avtomobıl joly men Dıvaev kóshesiniń qıylysyndaǵy qoldanystaǵy baspaldaqtar jóndeldi.
Barlyq jumys aıaqtaldy. Kórkeıtilgen baspaldaqtar Medeý aýdany turǵyndarynyń kúndelikti júrip-turýyn, ásirese bıiktik aıyrmasy aıqyn ýchaskelerde, barynsha qolaıly ári qaýipsiz etedi.
Jalpy Medeý aýdanynda «Halyq qatysatyn búdjet» jobasyn iske asyrý aıasynda qalalyq ortany kóriktendirý men damytýǵa baǵyttalǵan 30 joba qarastyrylǵan. Onyń ishinde avtomatty sýarý júıesin ornatý arqyly kógaldandyrý boıynsha 16 joba, qoǵamdyq keńistikterdi kórkeıtý boıynsha 8 joba jáne aýla aýmaqtaryn jóndeý boıynsha 6 joba bar.
