Ǵylymı qaýymdastyq ókilderi azamattardy 23 tamyzda ótetin Quryltaı saılaýyna belsendi qatysýǵa shaqyrdy, - dep habarlaıdy alnews.
Mamandardyń pikirinshe, ár azamattyń óz tańdaýyn jasaýy — eldiń damýy men bolashaǵyna úles qosýdyń mańyzdy joldarynyń biri.
Spıkerler Quryltaıdyń tarıhı mańyzyna toqtalyp, onyń qazaq halqynyń tarıhynda mańyzdy sheshimder qabyldanatyn keńes retinde qalyptasqanyn atap ótti. Búginde Quryltaı halyq pen bılik arasyndaǵy ózara baılanysty nyǵaıtatyn mańyzdy ınstıtýt retinde qarastyrylady.
Ǵylymı qaýymdastyq ókilderiniń aıtýynsha, elimizde reformalar men jańǵyrý úderisteri júrip jatqan kezeńde azamattardyń saıası belsendilik tanytyp, óz daýyǵyn berýi mańyzdy. Olardyń pikirinshe, jańa ınstıtýt zańnamalyq úderisti jetildirip, sheshimderdiń tıimdi ári jedel qabyldanýyna yqpal etýi múmkin.
«Eger bárimiz órkendegen, zamanaýı Qazaqstandy qurýdy qalasaq, aldaǵy saılaýǵa úlken jaýapkershilikpen qaraýymyz qajet. Sebebi Otanymyzdyń bolashaǵy — óz qolymyzda», — dedi spıker.
Sondaı-aq ǵalymdar men sarapshylar azamattardy eldiń damýyna úles qosyp, 23 tamyzda ótetin saılaýǵa qatysýǵa shaqyrdy. Olardyń aıtýynsha, qoǵamnyń belsendiligi men azamattardyń ortaq sheshim qabyldaýǵa qatysýy el bolashaǵyn qalyptastyrýda mańyzdy ról atqarady.
