Almatyǵa halyqaralyq Food and Travel basylymynyń redaksıalyq toby keldi, - dep habarlaıdy alnews.
Almaty Tourism Bureau qoldaýymen komanda qalanyń gastronomıalyq jáne týrısik ómirimen tanysyp jatyr.
Basylym ókilderi meıramhanalarǵa, jergilikti gastronomıalyq jobalar men bazarlarǵa baryp, qazaqtyń ulttyq taǵamdarymen jáne zamanaýı avtorlyq konsepsıalarmen tanysýda. Jergilikti ónimder men dástúrli resepterge jańa kózqarastarǵa erekshe kóńil bólinýde. Baǵdarlamaǵa Almatynyń tarıhy men qazirgi tynysyn gastronomıamen sabaqtastyra tanytatyn mádenı jáne týrısik nysandar da engizilgen.
Food and Travel 1997 jyldan beri saıahat pen gastronomıa taqyryptaryn qamtyp kele jatqan halyqaralyq basylym. Qazir jýrnal Ulybrıtanıa, Germanıa, Italıa, Meksıka, Túrkıa jáne Grekıa naryqtarynda shyǵady. Basylym álemniń túrli elderindegi týrısik baǵyttar, ulttyq taǵamdar jáne mádenı erekshelikter týraly aqparat usynady.
2026 jyly Almatynyń gastronomıalyq sahnasyna halyqaralyq medıanyń nazaryn aýdy. Amerıkalyq Eater basylymy qalany Where to Eat 2026 tizimine engizse, Almatynyń tórt mekemesi The World’s 50 Best Discovery tiziminen oryn aldy.
Food and Travel redaksıasynyń bul sapary Almatyǵa degen halyqaralyq qyzyǵýshylyqtyń artyp kele jatqanynyń taǵy bir belgisi. Sapar sońynda halyqaralyq aýdıtorıaǵa Almatynyń zamanaýı gastronomıasy, qazaq asqanasy men jergilikti ónimderi tanystyrylyp, shahardyń Ortalyq Azıadaǵy gastronomıalyq ortalyq retindegi áleýeti keńinen kórsetilmek.
