Euronews halyqaralyq basylymy Almatyny qalanyń basty sımvoldarynyń biri – almanyń tarıhy arqyly jahandyq aýdıtorıaǵa tanystyrdy. Bul týraly Almaty qalasy Týrızm basqarmasynyń ókilderi aıtty.
Euronews – Eýropadaǵy eń iri halyqaralyq jańalyqtar brendteriniń biri. Medıajeliniń kontenti 160 elde qoljetimdi, al teledıdar, sıfrlyq platformalar men ınternetke qosylǵan qurylǵylardaǵy aı saıynǵy aýdıtorıasy 400 mln-nan asady. 2025 jyldyń ózinde Euronews kontenti 1,83 mlrd beıneqaralym jáne shamamen 1,4 mlrd bet qaralymyn jınaǵan.
Jarıalanymda Almaty tarıhy, tabıǵı murasy, gastronomıasy men zamanaýı mádenıeti toǵysqan týrısik baǵyt retinde sıpattalǵan.
Materıalda qala mańyndaǵy alma baqtary, Almaty aporty jáne jyl saıyn ótetin Alma Fest festıvali týraly aıtylady. Bıyl festıvál aıasynda 200 tonnadan astam alma usynylǵan.
Aýdıtorıasy keń halyqaralyq alańdaǵy jarıalanym Almatyny shetelde ilgeriletýge jáne qalanyń týrısik baǵyt retindegi tanymaldyǵyn arttyrýǵa yqpal etedi.
Sheteldik týrıser úshin Almaty almasynyń tarıhy qalamen, onyń mádenıetimen jáne tabıǵı murasymen tanysýǵa taǵy bir sebep bolmaq.
Derekkóz: https://www.euronews.com/2026/10/05/is-kazakhstan-the-birthplace-of-apples-heres-how-the-fruit-spread-across-the-world
