Esentaı ózeniniń jaǵalaýynda avtorlyq «Taýys» kompozısıasy almatylyqtar men qala qonaqtarynyń nazaryn ózine aýdaryp otyr, - dep habarlaıdy alnews.
Eco Almaty mamandarynyń málimetinshe, bıiktigi 2,5 metr bolatyn kólemdi topıarlyq kompozısıa serýendeý aımaǵy boıymen 30 metrge sozylǵan.
Taýystyń gúlden jasalǵan qaýyrsyndary selozıa, petýnıa, sınerarıa jáne álternantera gúlderinen qurastyrylǵan. Túrli ósimdikter men qanyq tústerdiń úılesimi kompozısıaǵa erekshe sán berip, jaǵalaýdaǵy eń kórikti nysandardyń birine aınaldyrǵan.
«Taýys» sulýlyqtyń, ásemdik pen tabıǵattyń alýan túrliliginiń sımvoly retinde jasalǵan. Kompozısıa qoǵamdyq keńistikpen úılesim taýyp, Esentaı jaǵalaýyndaǵy kópshilik sýretke túsetin tanymal oryndardyń birine aınaldy.
Gúlden jasalǵan taýysty Taýly Qyrat shaǵynaýdanyndaǵy Esentaı ózeniniń jaǵalaýynan kórýge bolady.
