7 maýsym kúni Almatydaǵy Abaı alańynda Almaty qalasy ákimdiginiń qoldaýymen halyqaralyq The Spirit of Tengri zamanaýı etnıkalyq mýzyka festıvali ótedi, - dep habarlaıdy alnews.
İs-sharaǵa qatysatyn arnaıy qonaqtardyń biri Andru Donalds. Ol kompozısıalary dúnıe júzine keńinen tanylyp, birneshe býynnyń mýzykalyq mádenıetine aınalǵan Enigma jobasynyń vokalısi.
The Spirit of Tengri - Ortalyq Azıadaǵy jyl saıyn myńdaǵan kórermen jınalatyn eń iri mýzykalyq open-air festıválderdiń biri. Festıvál zamanaýı etnıkalyq mýzyka, world music, ethno fusion jáne ulttyq áýen men qazirgi mýzykalyq baǵyttar úndesken túrli janrlardy usynatyn, álemniń ár túkpirinen kelgen oryndaýshylardyń basyn qosady.
Ár jyldary festıvál sahnasynda Eýropa men Azıanyń tanymal artıseri men mýzykalyq ujymdary óner kórsetti. Joba mádenı baılanysty nyǵaıtyp, etnıkalyq mýzykany nasıhattaıtyn ári zamanaýı mýzykalyq bastamalardy qoldaıtyn mańyzdy alańǵa aınaldy.
Bıyl festıvál aýmaǵynda demalys aımaqtary, Ethno Market, foodcourt, ınteraktıvti jáne seriktesterdiń alańdary jumys isteıdi. Festıvál saǵat 12:00-de ashylyp, al keshki mýzykalyq baǵdarlama 18:00-de bastalady.
Uıymdastyrýshylar qazaqstandyq oryndaýshylardy qoldaýǵa jáne zamanaýı etno-sahnany damytýǵa erekshe mán beredi. Bıyl festıvál aıasynda alǵash ret etno, folk jáne contemporary world music janrlarynda óner kórsetetin otandyq mýzykanttar men toptarǵa arnalǵan open call uıymdastyrylady. Ótinim festıváldiń resmı saıtynda 26 mamyr men 1 maýsym aralyǵynda qabyldanady.
The Spirit of Tengri festıvali Almatyda alǵash ret 2013 jyly ótti, sodan beri ol Ortalyq Azıadaǵy mańyzdy mádenı oqıǵalardyń birine aınaldy. 2026 jyly festıvál halyqaralyq deńgeıde moıyndalyp, bema! syılyǵynyń «Halyqaralyq festıvál» nomınasıasynda jeńiske jetti.
bema! Best Experience Marketing Awards – oqıǵalyq marketıń pen komýnıkasıa (event marketing jáne experience marketing) salasyndaǵy halyqaralyq syılyq ári festıvál.
Ótetin kúni: 7 maýsym 2026 jyl
Ótetin jeri: Almaty, Abaı alańy
Kirý tegin
