«Azamattarǵa arnalǵan úkimet» Memlekettik korporasıasy seriktes banktermen birlesip «Blockchain» tehnologıasy arqyly zańdy tulǵalardyń jyljymaıtyn múlik kepiline tirkeý servısin iske qosty.
Bul servıs Memlekettik korporasıa men ekinshi deńgeıli bankter arasyndaǵy uzaq merzimdi yntymaqtastyq aıasyndaǵy jobalardyń jalǵasy.
Zańdy tulǵalardyń jyljymaıtyn múlkin kepilge qoıyp, onlaın rásimdeý arqyly nesıe berýdi jeńildetý syndy bank salasyndaǵy «Blockchain» tehnologıasynyń múmkindikteriniń arqasynda mámilelerdi tirkeýge jumsalatyn ýaqyt birneshe ese qysqarady. Nátıjesinde, qujat jınaý qajettiligi men qyzmet alýshy men qyzmet kórsetýshiniń betpe-bet kezdesý talabynyń joıylýynyń arqasynda kepildi tirkeý merzimi 3 kúnnen 1 saǵatqa qysqarady.
Jalpy Memlekettik korporasıa men ekinshi deńgeıli bankter arasyndaǵy yntymaqtastyq aıasynda jeke tulǵalarǵa kepil túrindegi aýyrtpalyqtardy tirkeý jáne ony toqtatý, áleýmettik álsiz toptarǵa arnalǵan memlekettik baǵdarlama boıynsha jaldaý shartyn jasaý, sondaı-aq jyljymaıtyn múlikti satyp alý-satý jáne berý sharttaryn rásimdeý sekildi qyzmetter kórsetiledi.
2024 jyly «Blockchain» tehnologıasy arqyly qaryz sharty boıynsha talap etý quqyǵyn berý, shart talaptarynyń ózgerýine baılanysty aýyrtpalyqtardy ózgertý, sondaı-aq turǵyn emes úı-jaılardy kepilge qoıý shartyn tirkeý qyzmetteri de iske qosyldy.
Búgingi kúnge deıin «Blockchain» tehnologıasy arqyly 360 myńnan astam ótinim qarastyryldy. Jyljymaıtyn múlikke aýyrtpalyqtardy tirkeý 2024 jyly ótken jylmen salystyrǵanda 1,5 esege artty, ıaǵnı 87,8 myń operasıadan 131,7 myńǵa deıin ósti.
Jańa tehnologıany paıdalaný boıynsha Astana, Almaty jáne Shymkent qalalary, sondaı-aq Aqtóbe, Túrkistan, Qaraǵandy jáne Almaty oblystary joǵary belsendilik tanytty.
Jańa servıs «Blockchain» tehnologıasyn qoldaný arqyly kórsetiletin qyzmetter qataryn keńeıtip, bankter tarapynan túsetin sharttardyń barlyq aýqymyn jyljymaıtyn múlikti (aýyrtpalyq quqyqtaryn) elektrondy tirkeýge aýdarý.
