Almatyda ınjenerlik ınfraqurylymdy jańartý qarqyndy júrgizilýde, dep habarlady qalalyq energetıka jáne sýmen jabdyqtaý basqarmasy.
Bıyl 9 aıda 219 km jańa sý qubyry jáne sý burý júıeleri salyndy, 27,3 km qoldanystaǵy jeliler jańǵyrtyldy. 2025 jyly taǵy 260 km qurylys jáne 87 km jelini jańǵyrtý josparlanǵan.
Elektrmen jabdyqtaý salasynda qańtardan qyrkúıekke deıin 66 km jeli qaıta quryldy. 2025 jyly taǵy 123 km jelini jańǵyrtý josparlanýda. Sondaı-aq, Almaty qalasynyń elektr jelilerin 2030 jylǵa deıin, al bolashaqta 2040 jylǵa deıin damytý sqemasy ázirlendi.
Almatyda sapaly jylýmen jabdyqtaý úshin 20 km jeli qaıta quryldy. «ATKE» JSHS 4 qazandyqty jańartylyp, 81 qazandyqty jóndeýden ótkizdi. Bul jelilerdiń tozýyn 57,9%-dan 56,1%-ǵa tómendetýge múmkindik berdi.
2024 jyly jylytý maýsymy 7 qazanda bastaldy, daıyndyq 100%. Qazirgi jylytý maýsymyna 140% kómir jáne 100% mazýt qory jınaldy. Barlyǵy 404 bilim berý nysany, 128 densaýlyq saqtaý nysany jáne 8 863 turǵyn úı qamtyldy.
Osylaısha, qabyldanyp jatqan sharalar 2025 jyly sýmen jabdyqtaý jelileriniń tozýyn 53,5%-ǵa, sý burýdy 55,2%-ǵa, elektrmen jabdyqtaýdy 64%-ǵa deıin tómendetýge múmkindik beredi.
