QR Bas prokýratýrasy áleýmettik jelilerde arandatýshylyq pen alaýyzdyqty qozdyrýǵa baǵyttalǵan arandatýshylyq sıpattaǵy jarlanymdar men pikirlerdiń taralý faktilerine baılanysty qazaqstandyqtarǵa eskertý jarıalady, - dep habarlaıdy alnews.
Qurmetti qazaqstandyqtar!
Áleýmettik jelilerde qoǵamda alaýyzdyqty qozdyrýǵa bahyttalǵan arandatýshylyq sıpattaǵy jarlanymdar men pikirlerdiń taralý faktileri baıqalýda.
Mundaı áreketterge múldem jol berilmeıtının jáne zańǵa sáıkes qatań túrde qýdalanatynyn eske salamyz.
Máselen, Qylmystyq kodeks 174-babyna sáıkes alaýyzdyqty qozdyrǵany úshin jasalǵan is-árekettiń aýyrlyǵyna qaraı 2 myńnan 7 myń AEK deıin aıyppul salý ne 2 jyldana 20 jylǵa deıin bas bostandyǵyn shekteý nemese aıyrý túrındegi jaza kózdelgen.
Sonym qatar Qazaqstanda onlaın-platformalarda quqyqqa qaıshy kontentti ornalastyrýǵa jáne taratýǵa tyıym salynǵan. Eger mundaı áreketterde qylmystyq quqyq buzýshylyq belgileri bolmasa, Ákimshılik quqyq buzýshylyq týraly kodekstiń 456-2-babynyń 3-1-bóligine sáıkes 20 AEK mólsherinde aıyppul salynady.
Taratylatyn aqparattyń shynaıylyǵyn tekserýge erekshe nazar aýdarý, sondaı-aq qoǵamda alaýyzdyq týǵyzýy múmkin materıaldardy jarıalaýdan jáne taratýdan bas tartý qajet.
Jalǵan aqparatty ornalastyrǵany jáne taratqany úshin Qazaqstan Respýblıkısy Ákimshılik quqyq buzýshylyq týraly kodeksiniń 456-2-babynyń 3-bóligine sáıkes ákimshılik jaýaptylyq kózdelgen.
Al kórineý jalǵan aqparat taratqan jaǵdaıda, Qazaqstan Respýblıkasy Qylmystyq kodeksiniń 274-babyna sáıkes qylmystyq jaýaptylyq qarastyrylǵan.
Sondaı-aq mundaı jarıalanymdardyń avtorlary ǵana emes, olardy sanaly túrde taratýǵa qatysqan adamdarǵa da quqyqtyq saldar týyndaıtynyna nazar aýdartamyz.
Bas prokýratýra azamattardy arandatýshylyqqa ermeýge, tekserilmegen aqparatty taratpaýǵa, qoǵamdyq kelisimmen azamattar arasyndaǵy ózara qurmetke nuqsan keltirýi múmkin jarıalanym dar men pıkirlerden bas tartýǵa shaqyrady.
Qazaqstan halqynyń birligi, ózara syılastyq pen qoǵamdyq kelisim - elimizdiń turaqtylyǵynyń, qaýipsizdiginiń jáne keleshektegi damýynyń berik negizı.
Quqyq qorǵaý organdary «Zań men tártip» qaǵatyty aıasynda qoǵamdyq qaýipsızdik pen qoǵamdyq tártipke qol suǵatyn kez kelgen quqyq buzýdyń jolyn kesip, olardyń aldyn alý úshin zańda kózdelgen sharalardy qabyldaıtyn bolady.
