«Barys» demalys ortalyǵynyń tárbıelenýshisi Izbakıev Tımýr jasóspirimder arasyndaǵy ASKHATOV OPEN dzúdo týrnırinde kúmis júldege 🥈 ıe boldy, - dep habarlaıdy alnews.
Atalǵan jarys úzdik jas sportshylardyń basyn qosyp, qatysýshylar joǵary daıyndyq deńgeıin, sporttyq sheberligin jáne jeńiske degen umtylysyn kórsetti. Tımýr Izbakıev birqatar beldesýlerdi senimdi ótkizip, tehnıkalyq daıyndyǵy men erik-jigerin tanyta otyryp, fınalǵa joldama alyp, ekinshi orynǵa turaqtady.
Aıta keteıik, búginde Almaty qalasynda shamamen 100 demalys ortalyǵy jumys isteıdi. Bul ortalyqtarda balalar men jastar úshin sport, shyǵarmashylyq, IT, ǵylym jáne tulǵalyq damý baǵyttary boıynsha tegin úıirmeler men seksıalar uıymdastyrylǵan. Demalys ortalyqtary jastardyń ózin-ózi damytýyna qolaıly orta qalyptastyryp, qabiletterin ashýǵa jáne belsendi ómirlik ustanymyn qalyptastyrýǵa yqpal etedi.
Demalys ortalyqtary jobasy Almaty qalasy Jastar saıasaty basqarmasynyń qoldaýymen júzege asyrylyp, balalar men jastardyń jan-jaqty damýyna jaǵdaı jasaýǵa, sondaı-aq salaýatty ómir saltyn nasıhattaýǵa baǵyttalǵan.
