Almaty týrısik ınfraqurylymdy jańǵyrtý jumystaryn jalǵastyryp otyr. Bul týraly Óńirlik komýnıkasıalar qyzmetiniń alańynda Almaty qalasy Týrızm basqarmasynyń basshysy Ǵalıa Toqseıitova málimdedi, - dep habarlaıdy alnews.
Qalada týrıserge kórsetiletin qyzmet sapasyn arttyrýǵa, kólik qoljetimdiligin jaqsartýǵa jáne zamanaýı týrısik qyzmet kórsetý júıesin qalyptastyrýǵa baǵyttalǵan keshendi jumystar júrgizilip jatyr. Sonyń negizgi baǵyttarynyń biri vızıt ortalyqtardy jańǵyrtý. Bolashaqta olar jaı ǵana aqparattyq pýnkt emes, týrıserge jan-jaqty qyzmet kórsetetin tolyqqandy ortalyqtarǵa aınalady.
Búginde shaharda Almatyny Ortalyq Azıadaǵy jetekshi týrısik ortalyqtardyń biri retindegi tartymdylyǵyn arttyrýǵa baǵyttalǵan birneshe joba qatar júzege asyrylyp jatyr.
Qazirgi tańda qalada týrıser eń kóp baratyn oryndarda ornalasqan 8 vızıt ortalyq jumys isteıdi. Olar Omarova, Panfılov, Zenkov, Baıtursynov, Tımırázev kóshelerinde, Dostyq dańǵylynda jáne «Medeý» bıik taýly sport kesheniniń aýmaǵynda ornalasqan. Munda kelýshiler qalanyń kórikti jerleri, ekskýrsıalyq baǵyttar, mádenı is-sharalar jáne týrısik ónimder týraly tolyq aqparat ala alady.
2026 jyldyń alǵashqy bes aıynda vızıt ortalyqtardyń qyzmetine 3 604 adam júgindi. Onyń 2 813-i nemese shamamen 80%-y sheteldik týrıs bolsa, 791 adam – ishki týrıser.
«Vızıt-ortalyqtardy týrıser úshin zamanaýı ári qolaıly etýge múmkindik beretin jańa úlgini ázirlep jatyrmyz. Bul jumysta álemniń úzdik tájirıbeleri negizge alyndy», – dedi Ǵalıa Toqseıitova.
Basqarma ókilderiniń aıtýynsha, týrısik ınfraqurylymdy damytý tek aqparattyq qyzmetpen shektelmeıdi. Sonymen qatar áýe qatynasyn keńeıtý, qonaq úı jelisin damytý, taý ınfraqurylymyn kórkeıtý jáne jańa týrısik nysandar salý baǵytynda da júıeli jumystar qolǵa alynǵan. Bul jobalardyń keshendi júzege asyrylýy Almatynyń halyqaralyq týrısik naryqtaǵy básekege qabilettiligin arttyryp, týrıser sanyn kóbeıtýge jáne shahardyń óńirdegi jetekshi týrısik ortalyqtardyń biri retindegi mártebesin nyǵaıtýǵa múmkindik beredi.
