Almatynyń Túrksib aýdanyndaǵy Palladın kóshesinde «Halyq qatysatyn búdjet» baǵdarlamasy aıasynda qoǵamdyq keńistik kórkeıtildi, - dep habarlaıdy alnews.
Bul týraly Túrksib aýdanynyń ákimdiginiń ókilderi aıtty.
Aýmaqta balalarǵa arnalǵan oıyn keshenderi men vorkaýt alańy ornatylyp, qaýipsiz jabyn tóseldi. Turǵyndardyń demalýyna arnalǵan pergola men oryndyqtar qoıyldy.
Sondaı-aq júrginshi joldary salynyp, jaryqtandyrý júıesi ornatyldy, kógaldandyrý jáne avtomatty sýarý júıesin júrgizý jumystary atqaryldy.
Aýdan ákimdigi ókilderiniń málimetinshe, búginde bul demalys aımaǵy turǵyndardyń jıi bas qosatyn ornyna aınalǵan.
Bıyl Túrksib aýdanynda «Halyq qatysatyn búdjet» baǵdarlamasy aıasynda 24 joba júzege asyrylyp jatyr. Olardyń qatarynda skver, júrginshi aımaǵy, demalys alańy jáne avtomatty sýarý júıesin ornatý jobasy bar.
