Almatynyń týrızm salasyna salynǵan ınvestısıa kólemi sońǵy segiz jyldaǵy eń joǵary kórsetkishke jetti, - dep habarlaıdy alnews.
Bul týraly Almaty qalasy Týrızm basqarmasynyń ókilderi aıtty.
2026 jyly qańtar-shilde aılarynda týrızm salasyndaǵy negizgi kapıtalǵa 137,8 mlrd teńge ınvestısıa tartyldy. Bul ótken jyldyń osy kezeńimen salystyrǵanda 37,3%-ǵa joǵary.
Ásirese, 2019 jyly qańtar-shilde aılarymen salystyrǵanda Almatynyń týrızm salasyna salynǵan ınvestısıa kólemi shamamen 2,8 ese artqany baıqalady.
Qarajattyń negizgi bóligi jolaýshylardy jerústi jáne áýe kóligimen tasymaldaýdy, óner, oıyn-saýyq jáne demalys nysandaryn, qonaq úı ınfraqurylymyn damytýǵa, sondaı-aq avtokólikti jalǵa berý jáne lızıń qyzmetterine baǵyttaldy.
Investısıa kóleminiń eń joǵary ósimi avtokólikti jalǵa berý jáne lızıń, jolaýshylar tasymaly, óner, oıyn-saýyq jáne demalys baǵyttarynda baıqaldy.
Bul kórsetkish Almatyda týrızm ındýstrıasynyń jańa deńgeıge kóterilip kele jatqanyn kórsetedi. Kásipkerler qarjyny tek qonaq úıler men týrısik nysandarǵa ǵana emes, olarmen baılanysty kólik, mobıldilik, qonaqjaılyq, oıyn-saýyq jáne demalys ınfraqurylymyna da baǵyttap otyr.
Qalada týrıser úshin qolaıly jaǵdaı jasalyp, olardyń Almatyda uzaqtaý bolýyna múmkindik beretin zamanaýı týrısik ekojúıe qalyptasyp keledi. Bul rette kórsetiletin qyzmet túrleri de keńeıip, qala turǵyndary men qonaqtaryna arnalǵan jańa múmkindikter paıda bolyp otyr.
Jeti aıda salynǵan 137,8 mlrd teńge bıznestiń Almatynyń týrısik áleýetine degen seniminiń aıqyn kórsetkishi. Sonymen qatar bul týrızmniń qala ekonomıkasyn damytýdyń bolashaǵy zor baǵyttarynyń birine aınalyp kele jatqanyn ańǵartady.
Investısıalyq belsendiliktiń saqtalýy jańa jobalardy júzege asyrýǵa, zamanaýı týrısik nysandardyń kóbeıýine jáne qalalyq ınfraqurylymnyń sapasyn arttyrýǵa múmkindik beredi. Bul óz kezeginde Almatynyń Qazaqstan men Ortalyq Azıadaǵy jetekshi týrısik ortalyq retindegi pozısıasyn odan ári nyǵaıtýǵa yqpal etedi.
