Almaty qalasy ákiminiń tapsyrmasymen bıyl tamyzda qalanyń shyǵys bóligi úshin jańa káriz kolektorynyń qurylysy aıaqtaldy, - dep habarlaıdy alnews.
Uzyndyǵy 19 shaqyrym bolatyn jańa kolektordyń iske qosylýy qalanyń shyǵys bóliginiń 100 myń turǵynyn turaqty sý burý júıesimen qamtamasyz etip, Dýman shaǵyn aýdany, Shyǵys aınalma joly boıyndaǵy turǵyn úıler jáne Talǵar aýdanynyń irgeles aýmaqtaryn qamtıtyn qoldanystaǵy káriz jelilerine túsetin júktemeni azaıtty.
Sonymen qatar, kolektor «Aqparattyq tehnologıalar parki» arnaıy ekonomıkalyq aımaǵyn (AEA ITP) damytýda sheshýshi ról atqarady.
Bul kolektordyń qurylysy 2017 jyly «Arıa Jana Astana» JSHS merdiger uıymnyń mindetin oryndamaýyna baılanysty toqtatylǵan bolatyn. Sot sheshimimen osy merdiger mindetine salǵyrt qaraıtyn jaýapsyz qyzmet kórsetýshi bolyp tanyldy.
2023 jyly Almaty qalasynyń Energetıka jáne sý sharýashylyǵy basqarmasy «Almaty Sý» MQK-men birlese otyryp, barlyq kemshilikti joıý úshin aqaý aktisin jasady. «Integra Construction» JSHS merdiger uıymy qajetti qalpyna keltirý jumystaryn oryndaıtyn bolyp, jaýapkershilikti ózine aldy. Áleýmettik jaýapkershilik aıasynda kompanıa 2023 jyldyń tamyzy men 2024 jyldyń tamyzy aralyǵynda qurylys-montaj jumystaryn aıaqtady.
Bul nysannyń iske qosylýy apattar men ekologıalyq máseleler qaýpin azaıtýmen qatar, qalanyń shyǵys bóligi men Almaty oblysynyń irgeles aýdandarynyń ınfraqurylymyn odan ári turaqty damytýǵa alǵyshart jasaıdy.
Sondaı-aq, qala ákimi tapsyrmasymen 130 myńnan astam turǵyndy sýmen qamtamasyz etetin uzyndyǵy 34 shaqyrym bolatyn jańa batys káriz kolektorynyń jobasy jasalyp jatyr. Bul Almaty qalasynyń Naýryzbaı jáne Alataý aýdandary men Almaty oblysynyń irgeles aýdandaryn qamtıdy. Qurylysty 2025 jyldyń İİ toqsanynda bastaý josparlanǵan.
Buǵan qosa, búkil qalanyń aǵyndy sýyn burý qyzmetin atqaratyn №1, 2, 3 qoldanystaǵy káriz kolektoryn qaıta jańartý jumystary júrgizilýde. Rekonstrýksıany 2025 jyldyń İİ toqsanynda bastaý kózdelip otyr.
