Almatynyń Dostyq dańǵyly, 170/1 mekenjaıynda ornalasqan zańsyz saýda nysandary súrildi. Bul týraly Qala qurylysy baqylaý basqarmasynyń ókilderi habarlady.
Jospardan tys tekserý barysynda atalǵan aýmaqta qajetti ruqsatsyz bir qabatty úsh nysannyń qurylysy júrgizilgeni anyqtaldy.
Tekserý qorytyndysy boıynsha menshik ıesine qurylys-montaj jumystaryn toqtatý, anyqtalǵan zańbuzýshylyqtardy joıý jáne jer telimin bastapqy qalpyna keltirý jóninde nusqama berildi.
Alaıda nusqama talaptary oryndalmaǵandyqtan, materıaldar Ákimshilik quqyq buzýshylyqtar jónindegi mamandandyrylǵan aýdanaralyq sotqa joldandy. Sot sheshimimen menshik ıesi ákimshilik jaýapkershilikke tartyldy.
Qazirgi ýaqytta óz betinshe salynǵan nysandar menshik ıesiniń kúshimen tolyqtaı súrildi.
Qala qurylysy baqylaý basqarmasy qurylys jumystaryn júrgizý kezinde qoldanystaǵy zańnama talaptaryn qatań saqtaý qajettigin eske saldy.
