Almatyda Quramys jáne Shuǵyla shaǵynaýdandarynda emhanalar, sondaı-aq Aqjar shaǵynaýdanynda otbasylyq-dárigerlik ambýlatorıanyń qurylysy jalǵasýda. Bul týraly Naýryzbaı aýdany ákimdiginiń ókilderi habarlady.
Quramys shaǵynaýdanynda bir aýysymda 500 adamdy qabyldaıtyn emhana boı kóterip jatyr. Qazir qurylys alańynda beton quıý, elektr-montaj jumystary, qabyrǵa qalaý, metal qurylymdaryn ornatý jáne santehnıkalyq júıelerdi montajdaý jumystary qolǵa alynǵan. Nysandy 2026 jyldyń sońynda paıdalanýǵa berý josparlanǵan.
Bir aýysymda 500 adam qabyldaıtyn taǵy bir emhana Shuǵyla shaǵynaýdanynda salynyp jatyr. Qazirgi tańda munda monolıtti jumystar, qabyrǵa qalaý, syrtqy ınjenerlik jelilerdi tartý jáne shatyrdy jabdyqtaý jumystary atqarylýda. Qurylysty bıyl kúzde aıaqtaý josparlanyp otyr. Aqjar shaǵynaýdanynda bir aýysymda 200 adam qabyldaıtyn otbasylyq-dárigerlik ambýlatorıanyń qurylysy bastaldy. Qazir nysan aýmaǵynda shuńqyr qazý jumystary júrgizilýde.
Sonymen qatar, №7 qalalyq klınıkalyq aýrýhanany qaıta jańǵyrtý jumystary jalǵasyp jatyr. Qurylys-montaj jumystaryn 2027 jyldyń kókteminde aıaqtaý josparlanǵan.
Buǵan qosa, Tastybulaq shaǵynaýdanyndaǵy otbasylyq-dárigerlik ambýlatorıanyń jáne №1 qalalyq klınıkalyq aýrýhanany jańǵyrtý jobalary ázirleý kezeńinde tur.
