Almatynyń Medeý aýdanynda qoǵamdyq keńistikterdi kórkeıtýge baǵyttalǵan eki joba júzege asyryldy, - dep habarlaıdy alnews.
«Halyq qatysatyn búdjet» baǵdarlamasy aıasynda «Halyq Arena» sport kesheniniń aýmaǵynda avtomatty sýarý júıesi ornatyldy. Jalpy 4 myń metr avtomatty sýarý júıesi montajdalyp, 2,5 myń metr jeli tartyldy.
Jańa júıe jasyl jelekti turaqty sýarýǵa jáne sý resýrsyn tıimdi paıdalanýǵa múmkindik beredi.
Taǵy bir joba Ospanov kóshesinde júzege asyrylyp, júrginshiler aımaǵyn kórkeıtý jumystary aıaqtaldy. Munda 150 sharshy metr asfáltbeton jabyny jáne 480 sharshy metr kespetas tóseldi. Sondaı-aq, 1 650 sharshy metr aýmaq kógaldandyrylyp, syrtqy jaryqtandyrý baǵanalary ornatyldy.
Atqarylǵan jumystar Medeý aýdanyndaǵy júrginshiler ınfraqurylymyn damytýǵa jáne qoǵamdyq keńistikterdiń jaılylyǵyn arttyrýǵa baǵyttalǵan.
