Almatyda atmosferalyq aýanyń sapasyna áser etýi múmkin nysandarǵa monıtorıń júrgizý jalǵasyp keledi, - dep habarlaıdy alnews.
«Eco Almaty» JSHS mamandary monshalardy, qoǵamdyq tamaqtaný oryndaryn, tehnıkalyq qyzmet kórsetý stansıalaryn jáne basqa da nysandardy tekserip jatyr.
Jetisý aýdanynda búginde 5 jekemenshik monsha, 25 qoǵamdyq tamaqtaný nysany jáne 11 tehnıkalyq qyzmet kórsetý stansıasy tekserildi.
Qoǵamdyq tamaqtaný oryndaryna erekshe nazar aýdarylady. Aýdandaǵy osyndaı 91 nysannyń 80-i áli de qatty otyndy paıdalanady. 2026 jyldyń sońyna deıin olardyń 69-yn elektr mangaldaryna kóshirý josparlanyp otyr.
2027 jyldan bastap III sanattaǵy birqatar nysan úshin atmosferalyq aýany qorǵaýǵa qatysty jańa talaptar kúshine enedi. Olar ekologıalyq turǵydan taza otyn túrlerin paıdalanýdy, shyǵaryndylardy tazartý júıelerin ornatýdy jáne belgilengen ekologıalyq talaptardy saqtaýdy kózdeıdi.
Monıtorıń kásipkerlerdi jańa talaptar týraly aldyn ala habardar etýge jáne nysandardy olardy oryndaýǵa ýaqytyly daıyndaýǵa múmkindik beredi.
