Almatynyń Boraldaı shaǵynaýdanyndaǵy Azat kóshesi, 23-úıdiń janynda turǵyndardyń demalýyna arnalǵan jańa qoǵamdyq keńistik paıda boldy, - dep habarlaıdy alnews.
Skver «Halyq qatysatyn búdjet» baǵdarlamasy aıasynda kórkeıtildi. Bul baǵdarlama qala turǵyndaryna qalalyq ortany jaqsartýǵa baǵyttalǵan jobasyn usynýǵa múmkindik beredi.
Aýmaqta kúrkeler men oryndyqtar ornatylyp, shahmat oınaýǵa arnalǵan arnaıy aımaq jasaqtaldy. Sondaı-aq kógal tóselip, jasyl aımaq jasaldy. Keshki ýaqytta jaıly demalý úshin kóshe jaryqtandyrý júıesi qarastyrylǵan.
Bıyl kúzde munda bıiktigi 3-4 metr bolatyn shyrshalar egý de josparlanyp otyr.
Endi shaǵynaýdan turǵyndarynyń taza aýada serýendep, otbasymen demalyp, ózara aralasýyna taǵy bir jaıly oryn paıda boldy.
Jalpy, 2026 jyly Almatynyń Alataý aýdanynda «Halyq qatysatyn búdjet» baǵdarlamasy aıasynda kórkeıtý boıynsha 43 joba júzege asyrylyp jatyr.
Baǵdarlamaǵa qatysý úshin ótinimdi https://budget.open-almaty.kz/ saıty arqyly berýge bolady.
