2026 jyldyń basynan beri «Belsendi uzaq ómir súrý» jobasy aıasynda qalalyq Belsendi uzaq ómir súrý ortalyǵy zeınetkerlerge 38 myńnan astam qyzmet kórsetti. Bul týraly Almaty qalasy Jumyspen qamtý jáne áleýmettik baǵdarlamalar basqarmasynyń ókilderi habarlady.
Joba qalada 2022 jyldan beri júzege asyrylyp keledi. Onyń negizgi maqsaty – aǵa býyn ókilderin qoldaý, olardyń qoǵamdyq ómirge belsendi aralasýyna jaǵdaı jasaý jáne bos ýaqytyn tıimdi uıymdastyrý.
Almatyda «Altyn jas» baǵdarlamasy da jumys isteıdi. 2026 jyly baǵdarlama aıasynda 157 uıymǵa 391 zeınetker jumysqa ornalastyryldy.
Ardagerler uıymdaryna qoldaý kórsetý jumystary da jalǵasyp keledi. Memlekettik áleýmettik tapsyrys aıasynda ardagerlerge arnalǵan úsh jyldyq joba júzege asyrylyp jatyr.
Áleýmettik qoldaýdyń taǵy bir baǵyty – sanatorıı-kýrorttyq em alý. Bıyl osy múmkindikti erekshe kómekke muqtaj 472 zeınetker paıdalandy.
Basqarma málimetinshe, Almatyda 1 qazanda atap ótiletin Halyqaralyq qarttar kúnine arnalǵan aılyq ótip jatyr. Qalanyń barlyq aýdanynda mádenı jáne sporttyq is-sharalar, sondaı-aq jastarmen kezdesýler uıymdastyrý josparlanǵan.
