Almatyda 9 qazannan bastap 2026-2027 jyldardaǵy jylytý maýsymy bastalady, - dep habarlaıdy alnews.
Jylý kezeń-kezeńimen beriledi. Aldymen áleýmettik mańyzy bar nysandar, odan keıin kóppáterli turǵyn úıler men basqa da ǵımarattar jylý júıesine qosylady. Bul týraly Almatynyń Komýnaldyq ınfraqurylym jáne turǵyn úı ınspeksıasy basqarmasynyń ókilderi habarlady.
Jylytý maýsymynyń bastalýyna baılanysty qalanyń barlyq segiz aýdanynda jaýapty mamandar bekitildi. Turǵyndar jylýǵa qosylý jáne jylý júıesinde týyndaǵan aqaýlar boıynsha sol mamandarǵa habarlasa alady.
Aýdandar boıynsha baılanys telefondary:
* Alataý aýdany — +7 701 822 57 89;
* Almaly aýdany — +7 778 200 21 21;
* Áýezov aýdany — +7 705 555 90 92;
* Bostandyq aýdany — +7 701 232 04 85;
* Jetisý aýdany — +7 700 815 10 90;
* Medeý aýdany — +7 777 387 37 99;
* Naýryzbaı aýdany — +7 707 199 90 09;
* Túrksib aýdany — +7 707 322 50 04.
Sonymen qatar qalada jedel áreket etý shtaby táýlik boıy jumys isteıdi. Jylý berilmegen, qubyrlardan sý aqqan nemese basqa da aqaýlar týyndaǵan jaǵdaıda turǵyndar tómendegi baılanys nómirlerine habarlasa alady:
* Jedel Almaty — 109;
* Biryńǵaı dıspecherlik ortalyq — 225-14-31;
* Komýnaldyq ınfraqurylym jáne turǵyn úı ınspeksıasy basqarmasy — +7 747 132 23 52, +7 707 018 08 46;
* Open Almaty — 1308 jáne 8 (727) 338-33-88.
Mamandardyń málimetinshe, jylytý maýsymynyń alǵashqy kúnderi júıelerdi iske qosý, baptaý jáne retteý jumystary júrgiziledi. Sondyqtan osy kezeńde jylý berýde ýaqytsha irkilister bolýy múmkin.
Turǵyndarǵa radıatorlardyń, shúmekter men ventılderdiń jaramdylyǵyn aldyn ala tekserý, jylý júıesine óz betinshe ózgeris engizbeý, sondaı-aq tik qubyrlar men jylytý qurylǵylaryna kedergisiz qol jetkizýdi qamtamasyz etý usynylady.
Budan bólek, turǵyndar ótinishin kóppáterli turǵyn úılerge qyzmet kórsetetin uıymdar, basqarmanyń áleýmettik jelilerdegi resmı paraqshalary jáne e-Otinish platformasy arqyly da joldaı alady.
