Almatynyń Almaly aýdanynda 30 aýla aýmaǵyn aǵymdaǵy jóndeý jumystary aıaqtaldy. Taǵy segiz nysanda kórkeıtý jumystary jalǵasyp jatyr. Bul týraly aýdan ákimdiginiń ókilderi habarlady.
2026 jyly aýdan boıynsha barlyǵy 38 aýlany jańartý josparlanǵan. Joba aıasynda aýla jabyndaryn jóndeý, balalar jáne sport alańdaryn ornatý men jańartý, oryndyqtar, qoqys jáshikteri jáne basqa da kórkeıtý elementterin ornalastyrý qarastyrylǵan.
Sonymen qatar «Halyq qatysatyn búdjet» jobasy aıasynda turǵyndardyń 19 bastamasy júzege asyrylyp jatyr. Onyń beseýi aıaqtalsa, segiz nysanda qurylys-montaj jumystary qarqyn alǵan. Taǵy bes joba boıynsha jumysty bastaý josparlanǵan.
Bul jobalar qoǵamdyq keńistikterdi jańartýdy, demalys oryndaryn kórkeıtýdi, balalar oıyn jáne sport alańdaryn ornatýdy, kógaldandyrý men syrtqy jaryqtandyrýdy qamtıdy.
