Alataý aýdanynda 2026 jyldyń sońyna deıin jalpy syıymdylyǵy 4 300 oryndyq tórt mektepti paıdalanýǵa berý josparlanǵan. Bul týraly aýdan ákimdiginiń ókilderi málimdedi.
Jańa oqý jylynda Zerdeli shaǵynaýdanyndaǵy 550 oryndyq №178 lıseı, Aqmarjan shaǵynaýdanyndaǵy 2 myń oryndyq №230 mektep jáne Ǵajaıyp shaǵynaýdanyndaǵy 1 200 oryndyq jańa mektep oqýshylarǵa esigin aıqara ashady. Al Qarasý shaǵynaýdanyndaǵy №160 mektepti bıyl qarasha aıynda paıdalanýǵa berý josparlanǵan.
Saıaly shaǵynaýdanynda táýligine 200 adam qabyldaıtyn otbasylyq dárigerlik ambýlatorıanyń qurylysy aıaqtaldy. Sondaı-aq munda Inovasıalyq shyǵarmashylyq ortalyq salynyp, balalardy úıirmelerge qabyldaý bastaldy.
Aýdanda ınjenerlik ınfraqurylymdy damytý jumystary da jalǵasýda. 2026 jyly Rahat–Mádenıet jáne Shapaǵat shaǵynaýdandarynda uzyndyǵy 177,8 shaqyrym bolatyn sý qubyry men káriz jelilerin paıdalanýǵa berý josparlanǵan. Bul shamamen 19 myń turǵyndy ortalyqtandyrylǵan ınjenerlik jelilermen qamtamasyz etýge múmkindik beredi. Terekti shaǵynaýdanynda qosymsha 92,2 shaqyrym ınjenerlik jeli salynyp jatyr.
Sonymen qatar jalpy uzyndyǵy 61,1 shaqyrym bolatyn 95 kóshede ortasha jol jóndeý jumystary júrgizilýde. Uzyndyǵy 3,2 shaqyrym bolatyn Saın kóshesi aýmaǵynyń qurylysy aıaqtaldy. Qazirgi ýaqytta Boraldaı, Rahat–Mádenıet jáne Terekti shaǵynaýdandarynda jol qurylysy jumystary jalǵasyp jatyr.
