Aldaǵy jylytý maýsymyna daıyndyq aıasynda Almatynyń Alataý aýdanynda 1988 jyly paıdalanýǵa berilgen uzyndyǵy shamamen 483 metr jylý qubyry jańartylady. Bul týraly «Almaty jylý jelileri» JSHS mamandary aıtty.
Osyǵan baılanysty 2026 jyly 8 shildeden bastap jylý jelilerin qaıta jańǵyrtý jumystary júrgiziletin kezeńde Nemırovıch-Danchenko kóshesiniń batys jaǵymen Rysqulov dańǵylynan Raıymbek dańǵylyna deıingi aralyqta avtokólik qozǵalysy ishinara shekteledi.
Bul aýmaqty eki baǵytta da Nemırovıch-Danchenko kóshesiniń shyǵys jaǵymen aınalyp ótýge bolady.
Ýaqytsha shekteý jer astyndaǵy jylý qubyryn josparly túrde qaıta jańǵyrtý jumystaryn júrgizý úshin engizilip otyr.
Joba aıaqtalǵannan keıin aldaǵy jylytý maýsymynda 14 kópqabatty turǵyn úı, 2 jeke turǵyn úı, 2 mektep jáne taǵy 10 nysan turaqty jylýmen qamtamasyz etiledi.
Qaıta jańǵyrtý kezinde tutynýshylarǵa ystyq sý berý toqtatylmaıdy. Ýaqytsha qolaısyzdyqqa túsinistikpen qaraýlaryńyzdy suraımyz.
