Almaty qalasyndaǵy 11-synyp oqýshylary «Taza Qazaqstan» respýblıkalyq ekologıalyq aksıasyna qatysyp, «Túlekterdiń aǵash egýi» eko-chellendjin ótkizdi. Bastama aıasynda túlekter mektep aýmaǵyna týıa men úıeńki kóshetterin otyrǵyzdy, - dep habarlaıdy alnews.
Aǵash otyrǵyzý – mektepke degen alǵys pen túlektik jyldardyń jarqyn esteliginiń sımvolyna aınaldy. Aksıanyń maqsaty – ekologıalyq mádenıetti qalyptastyrý, jastardy qorshaǵan ortany qorǵaý máselelerine tartý jáne tabıǵatqa jaýapkershilikpen qaraýǵa tárbıeleý.
Oqýshylar chellendjdi elimizdiń basqa mektepteriniń túlekterine joldap, bastamany qoldaýǵa jáne kógaldandyrýǵa úles qosýǵa shaqyrdy.
«Bul biz úshin jaı ǵana aksıa emes. Jyldar ótken soń bul aǵashtar bizdi eske salyp, ár adam qalasyna paıdaly is jasaı alatynyn kórsetse deımiz», – dedi túlekterdiń biri.
İs-shara sondaı-aq «Keleshek mektepteri» ulttyq jobasy aıasynda bilim berý jáne tárbıelik mindetterdi júzege asyrýǵa baǵyttalǵan, ıaǵnı bilim men qundylyqtardy naqty ister arqyly ushtastyrýdy kózdeıdi.
