Almatylyq sportshylar Japonıada ótip jatqan XX jazǵy Azıa oıyndarynda alǵashqy júldelerin ıelendi, - dep habarlaıdy alnews.
Qazaqstan quramasynyń qorjynyna qazirgi bessaıys pen karate ókilderi qola medal saldy. Bul týraly Almaty qalasy Sport basqarmasynyń ókilderi aıtty.
Qazirgi bessaıystan erler arasyndaǵy komandalyq esepte Temirlan Ábdiraıymov, Tıhon Varehın jáne Lev Chývashov qola júldeger atandy. Bul Qazaqstannyń Azıa oıyndarynda qazirgi bessaıystan sońǵy 16 jylda alǵan alǵashqy medali.
Taǵy bir qola júldeni almatylyq Bella Samasheva jeńip aldy. Karateden 55 kelige deıingi salmaq dárejesinde ol úzdik úshtiktiń qataryna endi. Bella úshin bul sporttyq mansabyndaǵy alǵashqy Azıa oıyndary.
Osylaısha, Azıa oıyndarynyń alǵashqy kúnderinen-aq almatylyq sportshylar ulttyq quramanyń júlde qorjynyn tolyqtyra bastady.
XX jazǵy Azıa oıyndary jalǵasyp jatyr. Alda Qazaqstan atynan sporttyń túrli túrlerinen synǵa túsetin kóptegen almatylyq sportshynyń jarystary bar. Báseke 4 qazanǵa deıin jalǵasady.
