Almatylyq sportshylar 2026 jyldyń alǵashqy jartyjyldyǵynda 2 230 medal jeńip aldy

2026 jyldyń alǵashqy jartyjyldyǵynyń qorytyndysy boıynsha almatylyq sportshylar halyqaralyq jáne respýblıkalyq jarystarda 2 230 medal jeńip aldy. Bul týraly qalalyq Sport basqarmasynyń ókilderi aıtty.
 
Almatylyq sportshylardyń qorjynynda álem chempıonattarynyń 60 medali, Azıa chempıonattarynyń 105 júldesi jáne Qazaqstan chempıonattarynyń 2 065 medali bar.
 
Qazirgi tańda Qazaqstan Respýblıkasynyń ulttyq quramasy sapynda Almatydan 2 544 sportshy bar. Osylaısha, ulttyq quramadaǵy árbir tórtinshi sportshy Almatynyń namysyn qorǵaıdy.
 
Bıyl almatylyq sportshylar birqatar tarıhı jetistikke de qol jetkizdi. Atap aıtqanda, sporttyq gımnastıkadan Álem kýbogy kezeńderinde, stend atýdan jasóspirimder arasyndaǵy álem chempıonatynda Qazaqstan tarıhyndaǵy alǵashqy altyn medaldardy jeńip aldy. Sondaı-aq, semserlesý, shahmat, jeńil atletıka jáne basqa da sport túrlerinde joǵary nátıje kórsetti.
 
Qalalyq Sport basqarmasy ókilderiniń málimetinshe, bul jetistikterge sport ınfraqurylymyn damytý, sportshylardy daıarlaý júıesin jetildirý jáne materıaldyq-tehnıkalyq bazany nyǵaıtý nátıjesinde qol jetkizildi.