Almatylyq balýan Nurqoja Qaıpanov 24 qazan men 1 qarasha aralyǵynda Astanada ótken kúresten álem chempıonatynda kúmis medal jeńip aldy, - dep habarlaıdy alnews.
Baıraqty dodaǵa álemniń 135 elinen 900-ge jýyq sportshy qatysty. Bul týraly Almaty qalasy Sport basqarmasynyń ókilderi habarlady.
Nurqoja Qaıpanov erkin kúresten 74 kelige deıingi salmaq dárejesinde óner kórsetti. Ol tórt beldesýde jeńiske jetip, Qazaqstan quramasynan osy chempıonattyń fınalyna shyqqan jalǵyz sportshy atandy.
Alǵashqy beldesýinde almatylyq balýan Kosovo ókili Egzon Djonıdi 10:0 esebimen jeńse, kelesi kezdesýde ázirbaıjandyq Týran Baıramovtan 4:0 esebimen basym tústi. Shırek fınalda Tájikstan ókili Vıktor Rassadındi 11:0 esebimen merziminen buryn jeńdi. Al jartylaı fınalda japonıalyq Ósınosýke Aoıagıdi 3:1 esebimen utty.
Fınaldyq beldesýde Nurqoja reseılik Inalbek Sherıevke ese jiberip, álem chempıonatynyń kúmis júldesin ıelendi.
Bul Nurqoja Qaıpanovtyń eresekter arasyndaǵy álem chempıonattarynda jeńip alǵan tórtinshi júldesi. Ol 2019 jyly kúmis, 2024 jyly altyn, al 2025 jyly qola medal enshilegen. Sonymen qatar almatylyq sportshy Azıanyń úsh dúrkin chempıony atanǵan.
