Almatylyq balýan Mereı Bazarbaev AQSH-tyń Las-Vegas qalasynda ótken 23 jasqa deıingi sportshylar arasyndaǵy álem chempıonatynda altyn medal jeńip aldy. Bul týraly Almaty qalasy Sport basqarmasynyń ókilderi aıtty.
12–18 qazan aralyǵynda ótken álem birinshiliginde Mereı Qazaqstan namysyn 57 kelige deıingi salmaq dárejesinde qorǵady. Fınalda túrkıalyq Bekır Keserdi taza jeńgen Mereı Bazarbaev álem chempıony atandy.
Almatylyq sportshy týrnırdegi barlyq beldesýinde jeńiske jetti. 1/8 fınalda amerıkalyq Lúk Lılledaldi 3:1 esebimen utsa, shırek fınalda Fransıa ókili Rasýl Galbýraevty 13:2 esebimen merziminen buryn jeńdi. Jartylaı fınalda Mereı japonıalyq Daıto Kasýmeni 7:0 esebimen jeńip, fınalǵa joldama aldy.
