2025 jyldyń maýsym aıynda Qostanaı qalasynda 23 jasqa deıingi jastar arasynda Qazaq kúresinen Qazaqstan Respýblıkasy chempıonaty ótti. Atalǵan dodaǵa elimizdiń barlyq óńirinen 300-ge jýyq úzdik jas balýan qatysty.
Chempıonatqa Almaty qalasynyń Túrksib aýdanyndaǵy "Qazaq kúresi" demalys ortalyǵynyń alty sportshysy qatysyp, óz sheberlikterin pash etti. Nátıjesinde, qos birdeı jas balýan júldeli oryndarǵa ıe boldy.
Atap aıtqanda, 74 keli salmaq dárejesinde beldesken Erkinuly Jigerqarsylastarynan basym túsip, altyn medal jeńip aldy. Al 70 kelide synǵa túsken Maqsatqyzy Shuǵyla qola júldege ıe boldy.
«Bul – meniń alǵashqy iri jeńisim. Osyndaı múmkindik bergen jattyqtyrýshylaryma jáne demalys ortalyǵyndaǵy ustazdaryma alǵysym sheksiz. Bolashaqta el chempıonattarynda ǵana emes, halyqaralyq arenalarda da el namysyn qorǵaǵym keledi», – deıdi chempıon Erkinuly Jiger.
Aıta ketý kerek, Almaty qalasyndaǵy demalys ortalyqtarynyń jumysy Jastar saıasaty basqarmasynyń qoldaýymen júzege asyrylady. Osyndaı júıeli qoldaýdyń arqasynda jas sportshylar óz qabiletterin damytyp, respýblıkalyq deńgeıdegi jarystarda óńir namysyn abyroımen qorǵap keledi.
