Almatydaǵy úlken ónerkásip kásiporynnyń qyzmetkerleri 23 tamyzda ótetin quryltaıdyń múshelerin saılaýdy qoldaıtyndaryn bildirip, qala turǵyndaryn daýys berýge belsene qatysýǵa shaqyrdy, - dep habarlaıdy alnews.
«Kazlegprom-Almaty» JSHS men «Asfáltobeton 1» JSHS eńbek ujymynyń ókilderi osylaısha ózderiniń azamattyq ustanymyn jetkizdi.
Kásiporyn ókilderiniń aıtýynsha, saılaýǵa qatysý – ár azamattyń eldiń turaqty damýyna úles qosýy, qoǵam birligin nyǵaıtýy men ekonomıkanyń odan ári órkendeýine qolaıly jaǵdaı jasaýǵa atsalysqany eken.
«Kazlegprom-Almaty» JSHS qyzmetkeri Aınur Jókejanova jarqyn bolashaq búgin qabyldanatyn durys tańdaýdan bastalatynyn atap ótti. Onyń aıtýynsha, kásiporyn ujymy adal eńbekti, birlikti joǵary baǵalap, ulttyq múddeni bárinen bıik qoıady. Sondyqtan olar 23 tamyz kúni ótetin daýys berýge qatysýdy josparlap qoıypty.
Al «Asfáltobeton 1» JSHS qyzmetkeri Ilshat Imınov kúndelikti eńbek eldiń damýyna baǵyttalǵanyn aıtyp, saılaýǵa qatysý memlekettiń jańǵyrýy men gúldenýine sep bolatyn qadam ekenin aıtyp otyr.
Eńbek ujymynyń ókilderi almatylyqtardy osy naýqannan shet qalmaı, ózderiniń konstıtýsıalyq quqyǵyn paıdalanyp, 23 tamyzda ótetin quryltaı múshelerin saılaýǵa bir kisideı atsalysýǵa shaqyrdy.
