Almaty qalasy Mádenıet basqarmasyna qarasty «Alataý» dástúrli óner teatrynyń akordeonshysy Jandos Saýyt 79-shy halyqaralyq Coupe Mondiale baıqaýynda álem kýbogynyń ıegeri atandy, - dep habarlaıdy alnews.
Baıqaý 23-27 tamyz aralyǵynda Astanada ótti.
Coupe Mondiale baıqaýyn Halyqaralyq akordeonshylar konfederasıasy – Confédération Internationale des Accordéonistes (CIA) uıymdastyrady. Baıqaý álemniń ár elinen kásibı oryndaýshylar men jas mýzykanttardyń basyn qosady.
Qatysýshylar Coupe Mondiale, Masters Coupe Mondiale, Junior Coupe Mondiale, Virtuoso Entertainment Music jáne ansámbldik oryndaýshylyq syndy birneshe atalym boıynsha synǵa túsedi.
Jandos Saýyt Qazaqstan atynan óner kórsetip, baıqaý qorytyndysy boıynsha bas júlde – álem kýbogyn jeńip aldy.
Almaty qalasy Mádenıet basqarmasy ókilderiniń málimetinshe, bul jetistik otandyq oryndaýshylyq óner úshin mańyzdy oqıǵa. Sondaı-aq, ónerpazdyń jeńisi Qazaqstandaǵy baıan jáne akordeon oryndaýshylyq mektebiniń joǵary kásibı deńgeıin kórsetedi.
