2025 jyly 7 sáýirde Uly Jeńistiń 80 jyldyǵyna daıyndalǵan «Almaty qalasynyń Memlekettik arhıv qujattaryndaǵy surapyl soǵystyń jańǵyryǵy» atty taqyryptyq kórme ótti. Onda qazaqstandyqtardyń Uly Jeńiske, Otandy qorǵaýǵa jáne Qazaqstannyń soǵystan keıingi damýyna qosqan úlesin kórsetetin qujattar qoıyldy.
Kórmede Almaty qalasynyń Memlekettik arhıviniń qorqurýshylary Uly Otan soǵysynyń ardagerleri: Keńes Odaǵynyń batyry, Stalıngrad shaıqasynyń qatysýshysy, gvardıa polkovnıgi, pedagogıka ǵylymdarynyń kandıdaty, Qazaq KSR halyq aǵartý isiniń úzdigi Suraǵanov Qudaıbergen Maǵzumýlanyń qujattary; Keńes Odaǵynyń batyry, Uly Otan soǵysynyń ardageri Jıla Fedor Nıkıtovıch, «Dańq» ordeniniń tolyq Kavaleri – Ibraım Qaldybaev; Lenıngradty qorǵaýǵa qatysqan, 3 dárejeli «Dańq» ordeniniń tolyq Kavaleri Alekseı Aleksandrovıch Mıhaılov; Uly Otan soǵysynyń ardageri, Stalıngrad shaıqasynyń qatysýshysy, qazaqtyń tuńǵysh ulttyq múltfılmniń avtory, mádenıet qaıratkeri Qaıdarov Ámen Ábjanuly; Uly Otan soǵysynyń ardageri, İ jáne İİ dárejeli «Otan soǵysy», «Eńbek Qyzyl Tý», «Qurmet Belgisi» ordenderiniń ıegeri Baıseıitov Rymbek Smaquly; Uly Otan soǵysynyń ardageri, «Qyzyl Juldyz», İİ dárejeli «Otan soǵysy» ordeniniń, «Máskeýdi qorǵaǵany úshin», «Germanıany jeńgeni úshin» medaldarymen marapattalǵan, sýretshi, álpınıs, Qazaqstannyń bıik taýly álpınızmniń negizin qalaýshy, eńbek sińirgen sport sheberi Evgenıı Mıhaılovıch Kolokolnıkov; Uly Otan soǵysynyń ardageri, Qazaq KSR halyq ártisi, rejıser Kenjetaev Káýken Kenjetaıuly; Uly Otan soǵysynyń ardageri, mıkolog, medısına ǵylymdarynyń kandıdaty, Qazaqstan Respýblıkasynyń eńbek sińirgen dárigeri Ǵalıa Abdýlhadıqyzy Mulaǵulova; Respýblıkalyq radıonyń dıktory Marúhın Gennadıı Petrovıchtiń ákesi Uly Otan soǵysynyń qatysýshysy Petr Marúhınniń jazǵan hattary usynyldy.
Sondaı-aq kórmede stalıngradtyq – almatylyqtar: Gavrılova Klavdıa Nıkolaevna; Eserkepova Tatána Ageevna; Rýmánseva Sofıa Arkadevna; Katkova Antonına Kırılovna; Pogodına Fatıma Belálovna; Maslova Valentına Aleksandrovna; Býdarnova Ekaterına Mıhaılovna; Bragına Zınaıda Tıtovnanyń qujattary, estelikteri, fotosýretteri men jeke qujattarynyń kóshirmeleri qoıylǵan.
Bul kórmede 100-shi qazaq ulttyq atqyshtar brıgadasynyń qatysýshylary: Uly Otan soǵysynyń ardageri, kınorejısser, akter, senarıst Májıt Begalınniń muraǵattyq qujattary; Uly Otan soǵysynyń ardageri, Qyzyl juldyz, İİ dárejeli «Otan soǵysy» ordeniniń, «Moskvany qorǵaǵany úshin», «Germanıany jeńgeni úshin» medaldarynyń ıegeri, 100-atqyshtar brıgadasynyń dabylshysy Kereev Bekbosynnyń qujattary nazarǵa usynyldy.
Kórmege fashızmdi jeńgen Uly Jeńiste mańyzdy ról atqarǵan qaharmandyq taǵdyrlar men mańyzdy tarıhı sátterdi beıneleıtin jeke qujattar, fotosýretter, ómirbaıandyq derekter, alǵys hattar, maıdannan kelgen hattar qoıylǵan.
Bul kórme Uly Otan soǵysy ardagerlerin eske alý men qurmetteýdiń mańyzdylyǵyn atap ótip, sondaı-aq bolashaq urpaq úshin tarıhı murany saqtaýǵa arnalǵan.
